టీ20 క్రికెట్.. బ్యాట్స్మన్ గేమ్ అని.. బౌలర్లు అంతగా రాణించలేరని చాలామంది వాదన. కానీ ఈ పొట్టి ఫార్మాట్లో అద్భుత ప్రదర్శనతో ఆకట్టుకోవడమే కాదు హ్యాట్రిక్ వికెట్లతో దూసుకెళ్తున్నారు బౌలర్లు. ఒక్క ఈ ఏడాదే ఆరుగురు క్రికెటర్లు హ్యాట్రిక్ వికెట్లు తీసి రికార్డు సృష్టించారు.
దీపక్ చాహర్..
ఇటీవల బంగ్లాదేశ్తో జరిగిన మూడో వన్డేలో హ్యాట్రిక్ వికెట్లతో అదరగొట్టాడు దీపక్ చాహర్. మొత్తం ఆరు వికెట్లు ఖాతాలో వేసుకుని టీ20ల్లో అత్యుత్తమ గణాంకాలు(6/7) నమోదు చేశాడీ టీమిండియా యువ బౌలర్.అంతర్జాతీయ టీ20లో హ్యాట్రిక్ తీసిన రెండో భారత క్రికెటర్గానూ రికార్డు సృష్టించాడు.మంగళవారం సయ్యద్ ముస్తాక్ అలీ ట్రోఫీలోనూ హ్యాట్రిక్ వికెట్లు తీశాడు.
లసిత్ మలింగ..
టీ20ల్లో ఒకటి కంటే ఎక్కువ సార్లు హ్యాట్రిక్ తీసిన ఘనత సాధించాడు శ్రీలంక స్టార్ పేసర్ లసిత్ మలింగ. ఈ ఏడాది సెప్టంబరులో న్యూజిలాండ్తో జరిగిన మ్యాచ్లో ఈ రికార్డు అందుకున్నాడు. అంతకుముందు 2017లో బంగ్లాదేశ్తో జరిగిన మ్యాచ్లో పొట్టి ఫార్మాట్లో తొలిసారి హ్యాట్రిక్ వికెట్లు తీశాడు. మొత్తంగా పరిమిత ఓవర్ల క్రికెట్లో(వన్డే, టీ20లు కలిపి) 5 సార్లు ఈ ఘనత సాధించాడు.
రషీద్ ఖాన్..
ఫిబ్రవరిలో ఐర్లాండ్తో జరిగిన మ్యాచ్లో రషీద్ ఖాన్ అంతర్జాతీయ టీ20ల్లో తొలిసారి హ్యాట్రిక్ వికెట్లు తీశాడు. మొత్తంగా ఆ మ్యాచ్లో 27 పరుగులిచ్చి 5 వికెట్లు తీశాడీ అఫ్గాన్ స్టార్. అంతేకాదు ఈ ఘనత సాధించిన తొలి స్పిన్నర్గానూ రికార్డు సృష్టించాడు.