టీ20 క్రికెట్ చరిత్రలో కొత్త అధ్యాయాన్ని లిఖించాడు దక్షిణాఫ్రికా స్పిన్నర్‌ కొలిన్ ఆక్మన్. ఒకే మ్యాచ్లో 18 పరుగులకు 7 వికెట్లు పడగొట్టి చరిత్ర సృష్టించాడు. విటలిటీ బ్లాస్ట్ టీ20 లీగ్లో భాగంగా లీసెస్టర్షైర్ సారథి కొలిన్ ఆక్మన్ బౌలింగ్తో ప్రత్యర్థులను వణికించాడు. ఫలితంగా ఆ జట్టు 55 పరుగుల తేడాతో బర్మింగ్హామ్ బియర్స్పై గెలుపొందింది.
టీ20 బ్లాస్ట్: 7 వికెట్లతో అదరగొట్టిన ఆక్మన్ - Birmingham Bears
పొట్టి క్రికెట్లో కొత్త రికార్డు సృష్టించాడు దక్షిణాఫ్రికా బౌలర్ కొలిన్ ఆక్మన్. ఇంగ్లాండ్లో జరుగుతోన్న విటలిటీ బ్లాస్ట్ టీ20 లీగ్లో లీసెస్టర్షైర్ కెప్టెన్గా ఉన్న ఇతడు.. ఒకే మ్యాచ్లో 18 పరుగులిచ్చి 7 వికెట్లు తీశాడు.
టీ20 బ్లాస్ట్: ఏడు వికెట్లతో అదరగొట్టిన ఆక్మన్
బుధవారం బర్మింగ్హామ్ బియర్స్తో జరిగిన మ్యాచ్లో కొలిన్ తన స్పిన్ మాయాజాలాన్ని ప్రదర్శించాడు. నాలుగు ఓవర్లలో ప్రత్యర్థి జట్టులోని ఏడుగురు ఆటగాళ్లను ఔట్ చేసి 18 పరుగులు మాత్రమే ఇచ్చాడు. ఇది ప్రపంచ టీ20లో ఓ చరిత్ర. ఇప్పటి వరకు మలేషియా ఆటగాడు అరుల్ సిపియా తీసిన 6 వికెట్లే పురుషుల టీ20లో రికార్డు.
తొలుత బ్యాటింగ్ చేసిన లీసెస్టర్షైర్ నిర్ణీత 20 ఓవర్లలో ఆరు వికెట్లు కోల్పోయి 189 పరుగులు చేసింది. హ్యారీ స్విండెల్స్‌(63), లూయిస్‌ హిల్‌(58)లు అర్ధశతకాలు చేసి జట్టుకు గౌరవప్రదమైన స్కోరు అందించారు. 190 పరుగుల లక్ష్య ఛేదనలో బర్మింగ్హామ్ బియర్స్ 23 పరుగులకే రెండు వికెట్లు కోల్పోయింది. తర్వాత సామ్‌ హైన్‌(61), ఆడమ్‌ హోస్‌(34)లు కలిసి మూడో వికెట్‌కు 91 పరుగుల భాగస్వామ్యం అందించారు. బియర్స్ జట్టు బాగా కుదురుకుంటోన్న సమయంలో బంతి అందుకున్న కొలిన్.. ప్రత్యర్థులకు చుక్కలు చూపించాడు. అతడి స్పిన్ మాయాజాలం ధాటికి 20 పరుగుల తేడాతో 8 వికెట్లు కోల్పోయింది బర్మింగ్హామ్. ఫలితంగా 17.4 ఓవర్లలో 134 పరుగులకే కుప్పకూలింది.