ఇంగ్లాండ్తో జరుగుతున్న రెండో టెస్టు తొలి రోజు ఆట ముగిసేసరికి న్యూజిలాండ్‌ 173/3 స్కోరు చేసింది. హామిల్టన్ వేదికగా జరుగుతున్న ఈ మ్యాచ్లో టామ్ లాథమ్ (101*) శతకంతో ఆకట్టుకోగా.. టేలర్ (53) అర్ధశతకంతో రాణించాడు.
ఇంగ్లాండ్ బౌలర్ల ధాటికి కివీస్ 39 పరుగులకే రెండు వికెట్లు కోల్పోయింది. ఈ దశలో బ్యాటింగ్‌కు వచ్చిన టేలర్‌తో కలిసి లాథమ్ ఇన్నింగ్స్‌ను చక్కదిద్దాడు. వీరిద్దరూ కలిసి మూడో వికెట్‌కు 116 పరుగులు చేశారు. టేలర్‌ను క్రిస్‌ వోక్స్‌ (2/41) ఔట్ చెయ్యడంతో వీరి భాగస్వామ్యానికి తెరపడింది.