వచ్చే నెలలో భారత్లో పర్యటించనున్న ఆస్ట్రేలియా టీమిండియాతో మూడు వన్డేల సిరీస్ ఆడనుంది. ఇందుకోసం జట్టును నేడు ప్రకటించింది. పాకిస్థాన్, న్యూజిలాండ్తో టెస్టు సిరీస్ల్లో భీకర ఫామ్తో ఆకట్టుకున్న మార్నస్ లబుషేన్ వన్డే జట్టులో చోటు దక్కించుకున్నాడు.
లబుషేన్కు అవకాశం..
12 టెస్టులాడిన లబుషేన్ 58.05 సగటుతో 1,103 పరుగులు చేశాడు. యాషెస్, పాక్, న్యూజిలాండ్తో సిరీస్ల్లో సత్తాచాటి భారత్ పర్యటనకు ఎంపికయ్యాడు. ఆలౌరౌండర్ సీన్ అబాట్ అయిదేళ్ల తర్వతా ఆసీస్ జట్టులో పునరాగమనం చేయనున్నాడు.
మ్యాక్స్వెల్ దూరం..
పేసర్ హెజిల్వుడ్, స్పిన్నర్ ఆస్టన్ అగర్కు అవకాశం కల్పించారు సెలక్టర్లు. అయితే గ్లెన్ మ్యాక్స్వెల్, ఉస్మాన్ ఖవాజా, షాన్ మార్ష్, నాథన్ లియోన్కు విశ్రాంతినిచ్చారు. మానసిక ఆరోగ్యం విషయమై మ్యాక్స్వెల్ బ్రేక్ తీసుకున్నట్లు సెలక్టర్ ట్రెవర్ హోమ్స్ తెలిపాడు.
ఆస్ట్రేలియాతో తొలి వన్డే ముంబయి వేదికగా జనవరి 14న ఆడనుంది టీమిండియా. రెండో మ్యాచ్ జనవరి 17న రాజ్కోట్లో జరగనుంది. జనవరి 19న జరగనున్న మూడో వన్డేకు బెంగళూరు వేదిక కానుంది.
ఆస్ట్రేలియా జట్టు..
ఆరొన్ ఫించ్(కెప్టెన్), సీన్ అబాట్, ఆస్టన్ అగర్, అలెక్స్ కారే, ప్యాట్ కమిన్స్, పీటర్ హ్యాండ్కోంబ్, జోష్ హెజిల్వుడ్, మార్నస్ లబుషేన్, కేన్ రిచర్డ్సన్, స్టీవ్ స్మిత్, మిచెల్ స్టార్క్, ఆస్టన్ టర్నర్, డేవిడ్ వార్నర్, ఆడం జంపా.
ఇదీ చదవండి: డివిలియర్స్ జట్టులోకి వస్తే బాగుండు: డుప్లెసిస్
