'టీ20ల్లో చాహల్ బదులు కుల్దీప్​ను ప్రయత్నించండి​'

ఆస్ట్రేలియాతో జరిగిన ఆఖరి వన్డేలో టీమ్​ఇండియా స్పిన్నర్​ కుల్దీప్​ యాదవ్​ చక్కటి బౌలింగ్​ ప్రదర్శన కనబరిచాడని మాజీ క్రికెటర్​ గావస్కర్​ ప్రశంసించాడు. టీ20 సిరీస్​లో చాహల్​కు బదులుగా కుల్దీప్​కు అవకాశం ఇవ్వాలని సూచించాడు. కనీసం తొలి మ్యాచ్​లోనైనా ప్రయత్నించాలని పేర్కొన్నాడు.

టీమ్​ఇండియా స్పిన్నర్​ కుల్దీప్​ యాదవ్​ తిరిగి ఫామ్​లోకి వచ్చాడని భారత మాజీ క్రికెటర్​ సునీల్ గావస్కర్​ అభిప్రాయపడ్డాడు. ఆస్ట్రేలియాతో జరిగిన చివరి వన్డేలో చక్కగా రాణించాడని తెలిపాడు. డిసెంబరు 4 నుంచి జరగబోయే టీ20 సిరీస్​లో చాహల్​కు బదులుగా కుల్దీప్​కు తుదిజట్టులో అవకాశం ఇవ్వాలని సూచించాడు. కనీసం తొలి మ్యాచ్​లో ప్రయత్నించి చూడాలని పేర్కొన్నాడు.

కుల్దీప్ యాదవ్

చివరి వన్డేలో చాహల్​ స్థానంలో బరిలోకి దిగిన కుల్దీప్..​ మిడిల్​ ఓవర్లలో చక్కటి బౌలింగ్​ ప్రదర్శన కనబరిచాడు. 10 ఓవర్లలో 57 పరుగులే ఇచ్చి కామెరూన్​ గ్రీన్​నూ పెవిలియన్​ చేర్చాడు.

ఇదీ చదవండి:టీమ్​ఇండియా గెలవాలంటే మార్పులు అనివార్యమా?

హార్దిక్​ నాలుగో స్థానంలో..

కుల్దీప్​తో పాటు హార్దిక్​ పాండ్యా ఆటతీరుపై గావస్కర్ ప్రశంసలు కురిపించాడు. హార్దిక్​.. టీ-20ల్లో కనీసం 2-3 ఓవర్లు బౌలింగ్​ చేస్తే, మిగతా బౌలర్లపై ఒత్తిడి తగ్గుతుందని అభిప్రాయపడ్డాడు. టాప్​-3 బ్యాట్స్​మెన్​ 14 ఓవర్ల వరకు క్రీజులో ఉంటే.. పాండ్యా​ నాలుగో స్థానంలో బ్యాటింగ్​కు రావాలని తెలిపాడు.

మరోవైపు కోహ్లీ 12 వేల పరుగుల మైలురాయిని చేరుకోవడంపై గావస్కర్​ హర్షం వ్యక్తం చేశాడు.

ఇదీ చదవండి:'టీ-20 సిరీస్​కు ముందు గెలుపు ఉత్సాహాన్నిచ్చింది'