ఫిక్సింగ్ భూతం మరోసారి వెలుగులోకి వచ్చింది. కర్ణాటక ప్రీమియర్ లీగ్ (కేపీఎల్)లో ఫిక్సింగ్ చేశారనే ఆరోపణలతో ఇద్దరు క్రికెటర్లను సెంట్రల్ క్రైమ్ బ్రాంచ్ పోలీసులు అరెస్టు చేశారు. 'బళ్లారి టస్కర్స్' కెప్టెన్ సీఎం గౌతమ్.. అతడి సహచరుడు అబ్రార్ ఖాజీని అదుపులో తీసుకొని విచారిస్తున్నారు.
2019 ఆగస్టు 31న బళ్లారి - హుబ్లీ మధ్య ఫైనల్ మ్యాచ్ జరిగింది. ఈ మ్యాచ్ కోసం వీరిద్దరూ భారీ మొత్తంలో డబ్బులు తీసుకొని ఫిక్సింగ్కు పాల్పడ్డారని కేసు విచారణ చేస్తోన్న అధికారి ఒకరు తెలిపారు.
"కేపీఎల్లో ఫిక్సింగ్ చేసినందుకు ఇద్దరు క్రికెటర్లను అరెస్టు చేశాం. ఆగస్టులో జరిగిన ఫైనల్ మ్యాచ్లో నెమ్మదిగా బ్యాటింగ్ చేసేందుకు వీరు రూ.20 లక్షలు తీసుకున్నారని తెలిసింది. బెంగళూరుతో జరిగిన మరో మ్యాచ్లోనూ ఫిక్సింగ్కు పాల్పడ్డారనే అనుమానం ఉంది" - విచారణాధికారి