ఆడిన 8 మ్యాచ్ల్లో ఏడింటిలో ఓడి పాయింట్ల పట్టికలో అట్టడుగు స్థానంలో ఉంది రాయల్ ఛాలెంజర్స్ జట్టు. హ్యాట్రిక్ ఓటములతో ఢీలాపడింది కోల్ కతా. ఇరుజట్లు తప్పనిసరిగా గెలవాల్సిన మ్యాచ్లో మొదట టాస్ గెలిచిన కోల్కతా బౌలింగ్ ఎంచుకుంది.
ప్లే ఆఫ్ ఆశలు సజీవంగా ఉండాలంటే బెంగళూరు తప్పనిసరిగా మిగిలిన అన్ని మ్యాచ్ల్లో గెలవాల్సిన పరిస్థితి. రేసులో నిలవాలంటే కోల్కతాకు ఈ విజయం చాలా అవసరం. ఇరుజట్ల మధ్య జరిగిన మొదటి మ్యాచ్లో రసెల్ విధ్వంసంతో 206 పరుగుల భారీ లక్ష్యాన్ని కాపాడుకోలేకపోయింది రాయల్ ఛాలెంజర్స్. ఈసారైనా ప్రతీకారం తీర్చుకోవాలని జట్టు భావిస్తోంది.