2016 టీ20 ప్రపంచకప్లో మహేంద్ర సింగ్ ధోనీతో కలిసి ఆడిన ఇన్నింగ్స్ గుర్తుచేస్తూ.. టీమిండియా కెప్టెన్ విరాట్ కోహ్లీ చేసిన ట్వీట్ సంచలనం సృష్టించింది. దీనిని చూసిన కొందరు మహీ రిటైర్మెంట్ పలుకుతున్నట్లు వార్తలు సృష్టించారు. తాజాగా ఈ అంశంపై విరాట్ స్పందించాడు. ఆ ట్వీట్ తనకు సరైన గుణపాఠం నేర్పిందని అన్నాడు.
"అసలు నేను ఆ విషయం(ధోనీ రిటైర్మెంట్) గురించి ఏమీ ఆలోచించలేదు. ఇంట్లో ఉన్నప్పుడు ఫొటో కనిపించింది.. అదొక జ్ఞాపకంలా అనిపించి పోస్ట్ చేశాను. కానీ అది వార్తా కథనం అవుతుందని ఊహించలేదు. ఈ అంశం నాకు గుణపాఠం నేర్పించింది. ప్రజలు వేరే విధంగా ఊహించుకుంటారని అనుకోలేదు. -విరాట్ కోహ్లీ, టీమిండియా కెప్టెన్
2016 టీ20 ప్రపంచకప్లో ఆస్ట్రేలియాతో జరిగిన మ్యాచ్లో భారత్ 94 పరుగులకే 4 వికెట్లు కోల్పోయి కష్టాల్లో పడింది టీమిండియా. ఈ దశలో విరాట్తో కలిసి ధోనీ మరో వికెట్ పడకుండా ఆడి భారత్కు విజయాన్ని అందించాడు. ఈ మ్యాచ్లో వీరిద్దరూ వేగంగా సింగిల్స్, డబుల్స్ తీస్తూ పరుగులు సాధించారు. ఈ సందర్భాన్ని ట్విట్టర్లో పంచుకున్నాడు కోహ్లీ.
"ఆ గేమ్‌ను ఎప్పటికీ మర్చిపోలేను. ఆరోజు ప్రత్యేకమైంది. పరుగుల విషయంలో ఈ మనిషి ఒక పరీక్ష పెట్టాడు. అది ఫిట్‌నెస్‌ టెస్టులా అనిపించింది" -కోహ్లీ, టీమిండియా సారథి
కోహ్లీ చేసిన ట్వీట్ ధోనీ రిటైర్మెంట్కు సంకేతంగా భావిస్తూ ఈ అంశంపై వరుస కథనాలు వచ్చాయి. అయితే అవన్నీ పుకార్లే అని తర్వాత తేలింది.
