'టెన్నిస్​లో వారు ఎలాగో.. క్రికెట్​లో వీరిద్దరూ అలా!'

టెన్నిస్​లో రోజర్​ ఫెదరర్​, రఫెల్​ నాదల్​ ఎలాగో.. క్రికెట్​లో విరాట్​ కోహ్లీ, స్టీవ్​ స్మిత్​ అలా అని అంటున్నాడు దక్షిణాఫ్రికా మాజీ బ్యాట్స్​మన్​ ఏబీ డివిలియర్స్​. వారిద్దరిలోనూ ప్రత్యేక సామర్థ్యాలున్నాయని వెల్లడించాడు. జింబాబ్వే మాజీ క్రికెటర్​ సీమర్​ పోమ్మీతో జరిగిన ఇన్​స్టా లైవ్​ చాట్​ సెషన్​లో మాట్లాడాడు.

క్రికెట్​లో విరాట్ కోహ్లీని టెన్నిస్ ఆటగాడు ఫెదరర్​తో, స్టీవ్ స్మిత్​ను రఫెల్ నాదల్​తో పోల్చవచ్చని అంటున్నాడు దక్షిణాఫ్రికా మాజీ క్రికెటర్ ఏబీ డివిలియర్స్. ఫెదరర్​లాగే కోహ్లీలో సహజ సామర్థ్యం ఎక్కువని, మానసిక ధైర్యంలో స్మిత్, నాదల్​ను పోలి ఉంటాడని చెప్పాడు. జింబాబ్వే మాజీ ఆటగాడు పోమ్మీ ముబాంగ్వ జరిగిన ఇన్​స్టాగ్రామ్​ చాట్​ సెషన్​లో ఈ బ్యాట్స్​మెన్ల గురించి మాట్లాడాడు.

"టెన్నిస్​ క్రీడాకారులతో పోలిస్తే.. కోహ్లీ తన సహజసిద్ధమైన ప్రదర్శనతో రోజర్​ ఫెదరర్​ను మరిపిస్తాడు. స్టీవ్​ స్మిత్​ మైదానంలో మానసికంగా చాలా బలంగా కనిపిస్తాడు. స్మిత్​.. రఫెల్​ నాదల్​లా అనిపిస్తాడు. స్మిత్​ సహజసిద్ధంగా ఆడకపోయినా రికార్డులను నెలకొల్పతున్నాడు."

-డివిలియర్స్​, దక్షిణాఫ్రికా మాజీ బ్యాట్స్​మెన్​

ఛేజింగ్​లో కోహ్లీకి, తనకు తెందూల్కర్​ ఆదర్శమన్నాడు డివిలియర్స్​. క్రీజ్​లో అతడు నిర్విరామంగా నిలబడే విధానాన్ని అనుసరిస్తామన్నాడు. కోహ్లీ, తాను మంచి స్నేహితులమని.. అతని భార్య అనుష్క శర్మతో తనకు మంచి అనుబంధం ఉందని తెలిపాడు.

ఇదీ చూడండి..'మరోసారి ఇలా చేస్తే చంపేస్తా అన్నాడు'