ముందు కోహ్లీ.. తర్వాత మిల్లర్.. వాట్ ఏ క్యాచ్​

దక్షిణాఫ్రికాతో జరిగిన రెండో టీ20 మ్యాచ్​లో రెండు క్యాచ్​లు నెట్టింట సందడి చేస్తున్నాయి. డికాక్ ఇచ్చిన క్యాచ్​ను విరాట్ అందుకున్నది ఒకటి కాగా.. రెండోది ధావన్ క్యాచ్​ను అద్భుతంగా ఒడిసి పట్టాడు మిల్లర్.

మొహాలీ వేదికగా దక్షిణాఫ్రికాతో జరిగిన రెండో టీ20లో టీమిండియా కెప్టెన్ విరాట్ కోహ్లీ అద్భుత క్యాచ్ పట్టాడు. నవదీప్ సైనీ వేసిన 12వ ఓవర్లో డికాక్ పుల్ షాట్​ ఆడాడు. మిడ్​ ఆఫ్​లో ఫీల్డింగ్ చేస్తున్న కోహ్లీ ఒక్కసారిగా డైవ్ చేస్తూ ఎడమ చేతితో బంతిని అందుకున్నాడు. అర్ధశతకం చేసి దూకుడు మీదున్న ప్రొటీస్ కెప్టెన్ క్వింటన్ డికాక్ (52) ఈ క్యాచ్​తో పెవిలియన్ చేరాడు.

అనంతరం టీమిండియా బ్యాట్స్​మన్ శిఖర్ ధావన్(40) క్యాచ్​ను అదే రీతిలో అద్భుతంగా అందుకున్నాడు మిల్లర్​. ఈ క్యాచ్​ను చూసి విరాట్ ఆశ్చర్యపోయాడు.

ఈ మ్యాచ్​లో దక్షిణాఫ్రికా నిర్ణీత 20 ఓవర్లలో 5 వికెట్లు కోల్పోయి 149 పరుగులు చేసింది. 150 పరుగుల లక్ష్యాన్ని భారత్ 3 వికెట్లు కోల్పోయి ఛేదించింది. విరాట్ 52 బంతుల్లో 72 పరుగులు చేసి భారత్​ను విజయ తీరాలకు చేర్చాడు. ఫలితంగా 1-0 తేడాతో ఆధిక్యంలో నిలిచింది కోహ్లీసేన.

ఇదీ చదవండి: విరాట్.. అభిమానులను ఇలాగే అలరించు: అఫ్రిదీ