కరోనాపై పోరుకు విరుష్క జోడీ సాయం

కరోనాపై పోరాటానికి ఇప్పటికే పలువురు క్రీడాకారులు 'పీఎం కేర్స్'​కు విరాళాలు అందజేయగా.. ఇప్పుడు ఆ జాబితాలో విరాట్-అనుష్క చేరారు.

కరోనాపై పోరాటంలో భాగంగా 'పీఎం కేర్స్'​కు పలువురు ప్రముఖులు విరాళాలు అందజేస్తున్నారు. క్రీడాకారులూ తమ వంతు సాయమందిస్తున్నారు. ఇప్పుడీ జాబితాలోకి కోహ్లీ-అనుష్క జోడీ చేరింది. 'పీఎం కేర్స్'​, మహారాష్ట్ర ముఖ్యమంత్రి సహాయనిధికి డబ్బు అందిస్తామని ట్వీట్ చేశాడు విరాట్​. అయితే ఎంత సొమ్ము చెల్లిస్తారనేది మాత్రం చెప్పలేదు.

మరికొందరు క్రీడాకారులు

కరోనా కట్టడికోసం ఇటీవలే దిగ్గజ క్రికెటర్ సచిన్​ రూ. 50లక్షలు, సీనియర్ క్రికెటర్​ సురేశ్​ రైనా రూ. 52 లక్షల విరాళాన్ని అందజేశారు. ​స్టార్ షట్లర్​ పీవీ సింధు, రెజ్లర్​ బజరంగ్​ పూనియా, స్ప్రింటర్​ హిమదాస్​, బీసీసీఐ అధ్యక్షుడు సౌరభ్​ గంగూలీలు తమవంతు సాయమందించారు. బీసీసీఐ.. ప్రధానమంత్రి సహాయనిధికి రూ.51 కోట్ల విరాళాన్ని అందజేసింది.

భారత్​లో 29కి చేరిన మృతులు

శరవేగంగా వ్యాప్తి చెందుతున్న కరోనా వల్ల.. ప్రపంచవ్యాప్తంగా 34వేల మందికిపైగా మరణించారు. భారత్​లో ఇప్పటివరకు 29 మంది ప్రాణాలు కోల్పోగా... 1000 మందికిపైగా ఈ వైరస్​ బారినపడ్డారు.

ఇదీ చదవండి:కరోనాపై పోరాటానికి 16 ఏళ్ల మహిళా క్రికెటర్​ చేయూత