మాంచెస్టర్లో జరిగిన ప్రపంచకప్ మ్యాచ్లో వెస్టిండీస్పై 125 పరుగుల తేడాతో గెలిచింది టీమిండియా. కెప్టెన్ కోహ్లీ 72 పరుగులు చేసి ఆకట్టుకున్నాడు. అనంతరం జరిగిన సమావేశంలో సహచర బ్యాట్స్మన్ కేఎల్ రాహుల్ కోహ్లీని ప్రశంసించాడు. పరిస్థితులు ఎలా ఉన్నా విరాట్ అద్భుతంగా బ్యాటింగ్ చేస్తాడని పొగడ్తలు కురిపించాడు.
"పరిస్థితులు, బౌలింగ్ ఎలా ఉన్నా కోహ్లీ అద్భుతంగా బ్యాటింగ్ చేస్తాడు. బౌలర్లపై ఒత్తిడి పెంచుతాడు. ఒక్క ప్రపంచకప్లోనే కాకుండా టీ20, వన్డే, టెస్టులు, ఐపీఎల్ ఇలా అన్ని ఫార్మాట్ల్లోనూ చెలరేగుతుంటాడు. అత్యుత్తమ ప్రదర్శనలు మళ్లీ మళ్లీ చేస్తుంటాడు. ఈ విషయాలే జట్టు సభ్యుల్ని అతడి నుంచి స్ఫూర్తి పొందేలా చేస్తున్నాయి." -కేఎల్ రాహుల్, టీమిండియా బ్యాట్స్మన్