త్వరలో ప్రారంభం కానున్న ప్రపంచకప్ కోసం అన్ని జట్లు సిద్ధమవుతున్నాయి. రాయుడు ఎంపిక కాని నేపథ్యంలో టీమిండియా తరఫున నాలుగో స్థానంలో బ్యాటింగ్ చేసేది ఎవరా అని అందరిలోనూ ఆసక్తి నెలకొంది. స్ట్రోక్ ప్లేయర్ అయిన కేఎల్ రాహుల్ను ఆ స్థానంలో ఆడించాలని టీమిండియా మాజీ సారథి వెంగ్సర్కార్ సూచించారు. మెగాటోర్నీలో భారత జట్టు సునాయాసంగా సెమీస్ చేరుకుంటుందని ధీమా వ్యక్తం చేశారు.
‘ధావన్‌, రోహిత్‌ రూపంలో స్థిరమైన ఓపెనింగ్‌ జోడీ ఉంది. మూడో స్థానంలో విరాట్‌ కోహ్లీ అద్భుతంగా ఆడతాడు. అందుకే నాలుగో స్థానంలో కేఎల్ రాహుల్ సరైన ఎంపిక. తన టెక్నిక్‌తో టాప్‌ ఆర్డర్‌కు సహకారం అందించగలడు’ -వెంగ్సర్కార్, టీమిండియా మాజీ సారథి