సౌరవ్‌ గంగూలీని తిరిగి తీసుకోవద్దన్నది తన నిర్ణయమేనని వెల్లడించారు కోల్కతా నైట్రైడర్స్ సీఈవో వెంకీ మైసూర్. ఆ సమయంలో ఫ్రాంచైజీ, యజమానులకు తన నిర్ణయం కఠినంగానే అనిపించిందని పేర్కొన్నారు.
"నా వరకైతే అదో పెద్ద నిర్ణయం కాదు. ఎందుకంటే నాకు అనుబంధాలు తక్కువ. నేను రెండు మూడేళ్లు ఒకే సంస్థలో పనిచేశానంటే అక్కడ కఠిన నిర్ణయాలే ఉంటాయి. నేను బయట నుంచి వచ్చిన వ్యక్తిలా ఉంటాను. నా నిర్ణయం చెప్పినప్పుడు సంస్థ, యాజమాన్యానికి కఠినంగానే తోచింది. ఇది తప్పో ఒప్పో నాకైతే తెలియదు. మనం మరింత పడిపోవచ్చు కూడా. కానీ కొత్తగా ప్రయత్నిస్తున్నా. ఏదేమైనా అందరం కలిసి నడవాల్సిందే అని చెప్పా. షారుఖ్‌, జుహీ, జే ఇందుకు అంగీకరించారు. నాకు అండగా నిలిచారు. అయితే ఆ నిర్ణయం మాత్రం నాకు కఠినంగా అనిపించలేదు" అని వెంకీ మైసూర్ అన్నారు.