టీమ్ఇండియా కెప్టెన్ విరాట్ కోహ్లీ, ఫుట్బాల్ ప్లేయర్ క్రిస్టియానో రొనాల్డోకు దగ్గరి పోలికలు ఉన్నాయని అంటున్నాడు క్రికెటర్ కరుణ్ నాయర్. వీరిద్దరూ ఆటలో ఎప్పుడూ టాప్లో ఉంటూ.. సహ ఆటగాళ్లకు స్ఫూర్తిగా నిలుస్తారని తెలిపాడు.
"విరాట్ కోహ్లీని అనుసరించాలని అందరూ అనుకుంటారు. ఎందుకంటే అతడు ప్రపంచంలోనే అత్యుత్తమ ఆటగాడు. క్రికెటర్లందరికీ ప్రేరణగా నిలుస్తున్నాడు. పదేళ్లలో అతను ఏమి సాధించాడో అందరికీ తెలుసు. అందుకే ప్రతి ఒక్కరూ కోహ్లీని అనుసరిస్తున్నారు".