'కనేరియాపై వివక్షే.. పాక్ నిజస్వరూపానికి సాక్ష్యం'

పాకిస్థాన్ క్రికెటర్ కనేరియా అంశంపై భారత మాజీ ఆటగాడు గౌతమ్ గంభీర్ మాట్లాడాడు. పాక్ నిజస్వరూపానికి ఈ ఉదంతమే ఊదాహరణ అని అభిప్రాయపడ్డాడు. అయితే ఈ ఘటనపై పీసీబీ విరుద్ధంగా స్పందించింది. ఈ విషయంలో బోర్డుకు సంబంధం లేదని, తాము జవాబుదారీ కాదని చెప్పింది.

హిందువుగా పాకిస్థాన్ క్రికెటర్ల వివక్ష గురయ్యానని, ప్రస్తుతం కష్టాల్లో ఉన్నానని ఆ జట్టు మాజీ క్రికెటర్ డానిష్ కనేరియా.. బుధవారం ఆవేదన వ్యక్తం చేశాడు. ఈ అంశంపై భారత మాజీ క్రికెటర్ గౌతమ్ గంభీర్ మాట్లాడాడు. కనేరియాకు జరిగిన ఉదంతమే పాకిస్థాన్​ నిజస్వరూపానికి ఊదాహరణ అని అభిప్రాయపడ్డాడు.

"ఒకప్పుడు క్రికెటరైన ఇమ్రాన్​ఖాన్ ప్రస్తుత పాకిస్థాన్​ అధ్యక్షుడుగా ఉన్నా, ఇలాంటి ఘటన జరిగింది. టీమిండియాకు చాలా ఏళ్లు సారథ్యం వహించిన మహ్మద్ అజారుద్దీన్ లాంటి కెప్టెన్ మాకున్నాడు. ఇప్పటికే అర్థమై ఉండాలి. మహ్మద్ కైఫ్​, ఇర్ఫాన్ పఠాన్, మునాఫ్ పటేల్ లాంటి క్రికెటర్లకు భారత్ చాలా గౌరవమిచ్చింది. మునాఫ్ నా సన్నిహిత మిత్రుడు. మేం ఎప్పుడూ జట్టుగా ఆడి దేశానికి గర్వంగా నిలిచాం. పాకిస్థాన్​ నుంచి ఇలాంటివి రావడం నిజంగా దురదృష్టకరం. ఓ క్రీడాకారుడికే అలాంటి దుస్థితి ఉంటే.. పాకిస్థాన్​లో మైనార్టీలుగా ఉన్న హిందు, సిక్కుల పరిస్థితి ఎంటో ఊహించుకోవచ్చు"
-గౌతమ్ గంభీర్​, టీమిండియా మాజీ క్రికెటర్

అక్తర్, కనేరియా వ్యాఖ్యలపై పాకిస్థాన్ క్రికెట్ బోర్డు స్పందించింది. వారిద్దరూ రిటైర్డ్ ప్లేయర్లని, ఈ అంశంపై తాము జవాబు చెప్పాల్సినవసరం లేదని చెప్పింది.

"చూడండి.. కనేరియా, అక్తర్ రిటైర్మెంట్ ఇచ్చారు. వాళ్లు ఏం చెప్పినా అందుకు మేం జవాబుదారీ కాదు. అయినా వాళ్లు కొంత మంది పాక్ క్రికెటర్లపైనే ఆరోపణలు చేశారు. అంతేకానీ మొత్తం పాకిస్థాన్ బోర్డుపై కాదు. కనేరియా.. ఇంజిమామ్, రషీద్ లతీఫ్, యూనిస్ ఖాన్, మహ్మద్ యూసుఫ్ కెప్టెన్సీలో ఆడాడు. అతడి అంశంపై వీరు స్పందించాలి. ఇందులో బోర్డును ఎందుకు లాగుతున్నారు" - పీసీబీ ప్రతినిధి

పాకిస్థాన్‌ మాజీ స్పిన్నర్‌ డానిష్‌ కనేరియా హిందువు కాబట్టి.. అప్పటి జట్టులోని కొంతమంది ఆటగాళ్లు అతడిపై వివక్ష చూపారని దిగ్గజ పేసర్‌ షోయబ్‌ అక్తర్‌ ఆరోపించాడు. అతడి వ్యాఖ్యలను కనేరియా సమర్థించాడు. ఆడుతున్న రోజుల్లో తనకు ఈ ధైర్యం లేక మాట్లాడలేకపోయానని చెప్పాడు.

ఇదీ చదవండి: 'కనేరియా హిందువని వివక్ష చూపారు'