ఇటీవలే టెస్టులకు వీడ్కోలు పలికాడు దక్షిణాఫ్రికా ప్రముఖ పేసర్ డేల్ స్టెయిన్. అతడి బౌలింగ్లో ఆడలేక బ్యాట్స్మెన్ ఇబ్బందులకు గురైన సందర్భాలు అనేకం. ప్రస్తుత న్యూజిలాండ్ సారథి కేన్ విలియమ్సన్ ఇలాంటి అనుభవాన్నే ఓ సారి ఎదుర్కొన్నాడు. అయితే స్టెయిన్కు వినూత్నంగా వీడ్కోలు చెప్పాడీ క్రికెటర్. సంబంధిత ఫొటోను ఇన్స్టాగ్రామ్లో పంచుకున్నాడు.
అసలేం జరిగింది..?
2013లో న్యూజిలాండ్-దక్షిణాఫ్రికా మధ్య టెస్టు మ్యాచ్ జరుగుతుంది. స్టెయిన్ సంధించిన బంతిని డిఫెన్స్ చేయబోయిన విలియమ్సన్ దాన్ని తాకలేకపోయాడు. కేన్ నడుము కింద భాగంలోని గార్డ్ను తాకింది బాల్. దీంతో అది కొద్దిగా విరిగిపోయింది. ఇప్పుడు ఆ గార్డ్ ఫొటోనే ఇన్స్టాలో పంచుకున్నాడు విలియమ్సన్. ఇలా ఆ పేసర్కు వీడ్కోలు పలికాడు.
36 ఏళ్ల స్టెయిన్.. 2004లో టెస్టుల్లో అరంగేట్రం చేశాడు. ఈ ఫార్మాట్లో అత్యధిక వికెట్లు తీసిన సఫారీ బౌలర్గా నిలిచాడు. ఇందులో 93 మ్యాచ్లాడి 439 వికెట్లు పడగొట్టాడు. ఇటీవలే ఈ టెస్టు క్రికెట్ నుంచి వైదొలిగాడు స్టెయిన్.