కరోనా బాధితులకు సాయం చేయడానికి చాలా మంది ముందుకొస్తున్నారు. ఇంగ్లాండ్ బ్యాట్స్మన్ జాస్ బట్లర్ కూడా తనవంతు సహాయం చేసేందుకు సిద్ధమయ్యాడు. 2019 ప్రపంచకప్ ఫైనల్ మ్యాచ్లో తాను ధరించిన జెర్సీనీ వేలం వేస్తున్నట్లు ప్రకటించాడు. దీని ద్వారా వచ్చిన మొత్తాన్ని కరోనా బాధితుల చికిత్స కోసం అందిస్తానని చెప్పాడు.
"ప్రపంచకప్ ఫైనల్ మ్యాచ్లో నేను ధరించిన టీషర్ట్ను వేలం వేద్దామనుకుంటున్నా. వచ్చిన సొమ్మును లండన్లోని రాయల్ బ్రాంప్టన్, హార్ఫీల్డ్ ఆస్పత్రులకు అందిస్తా. కరోనా బాధితులకు సేవలందిస్తున్న ఈ రెండు ఆస్పత్రులు తగినంత వైద్య పరికరాలు లేక ఇబ్బందులు పడుతున్నాయి. అందరికీ విజ్ఞప్తి చేస్తున్నా.. ఇంటి వద్దే ఉండండి. వైరస్ వ్యాప్తిని కట్టడి చేయండి."