ఝార్ఖండ్లో మూడో విడత అసెంబ్లీ ఎన్నికలు జరుగుతున్నాయి. గురువారం రాంచీలో.. టీమిండియా మాజీ సారథి, వికెట్ కీపర్ మహేంద్ర సింగ్ ధోనీ తన ఓటు హక్కు వినియోగించుకున్నాడు. భార్య సాక్షి సింగ్తో కలిసి కేంద్రం నుంచి బయటకు వస్తూ, అభిమానులను పలకరించాడు.
ఇంగ్లాండ్‌లో జరిగిన వన్డే ప్రపంచకప్‌ సెమీస్‌లో భారత్‌ ఓటమిపాలైన తర్వాత నుంచి ధోనీ.. జాతీయ జట్టుకు దూరంగా ఉన్నాడు. తొలుత రెండు నెలలు సైన్యంలో సేవలందించాడు. తర్వాత దక్షిణాఫ్రికా, బంగ్లాదేశ్‌, వెస్టిండీస్‌లతో సిరీస్‌లకూ అందుబాటులో లేడు.