భారత క్రికెట్‌ జట్టు ప్రధాన పేసర్ జస్ప్రీత్ బుమ్రా మంగళవారం తన సోదరితో రాఖీ కట్టించుకున్నాడు. ఈ విషయాన్ని ట్విట్టర్ వేదికగా వెల్లడించి ఫొటోలు షేర్ చేశాడు. దేశవ్యాప్తంగా ఆగస్టు 15న రక్షాబంధన్ పండుగ జరగనుంది.
" జుహిక... నేను టీమిండియా డ్యూటీలో వెళ్తున్నాను. అందువల్ల రక్షా బంధన్కు ఇక్కడ ఉండలేకపోతున్నా. అయినా నీతో రాఖీ కట్టించుకునే అవకాశాన్ని నేను వదులుకోలేను. ఎల్లప్పుడూ నా సోదరిగా నాకు అండగా ఉంటున్నందుకు ధన్యవాదాలు".
-- జస్ప్రీత్ బుమ్రా, భారత క్రికెటర్
కరేబియన్లతో ఆగస్టు 22 నుంచి ప్రారంభం కానున్న టెస్టు సిరీస్ కోసం వెస్టిండీస్ పయనమవనున్నాడు బుమ్రా. ఆగస్టు 17-19 మధ్య ఇరు జట్లు మూడు రోజుల ప్రాక్టీస్‌ మ్యాచ్ ఆడతాయి. 2019 ప్రపంచకప్‌ టోర్నీ తర్వాత విండీస్‌తో వన్డే, టీ20 సిరీస్‌లకు బుమ్రాకు విశ్రాంతినిచ్చారు సెలక్టర్లు.
భారత్-వెస్టిండీస్ మధ్య పోర్ట్ ఆఫ్ స్పెయిన్ వేదికగా నేడు చివరి వన్డే జరగనుంది. రాత్రి 7 గంటలకు మ్యాచ్ ప్రత్యక్షప్రసారం కానుంది. ఈ మ్యాచ్లో గెలిచి వన్డే సిరీస్ను కైవసం చేసుకోవాలని భావిస్తోంది కోహ్లీ సేన.
ఇదీ చదవండి...సిరీస్ కోసం భారత్-పరువు కోసం విండీస్