టీ20ల్లో స్టార్ పేసర్ బుమ్రా ప్రపంచ రికార్డు

ఫాస్ట్​ బౌలర్ బుమ్రా అరుదైన ఘనత సాధించాడు. ఎవరికి సాధ్యం కాని విధంగా టీ20ల్లో ప్రపంచ రికార్డు నెలకొల్పాడు. ఇంతకీ అదేంటంటే?

భారత స్టార్ బౌలర్ జస్ప్రీత్ బుమ్రా.. ఇటీవలే గాయం నుంచి కోలుకుని జట్టులోకి రీఎంట్రీ ఇచ్చాడు. కివీస్​తో టీ20 సిరీస్​లో అద్భుత ప్రదర్శన చేసి, ప్రపంచ రికార్డు సృష్టించాడు. ఈ ఫార్మాట్​లో అత్యధిక మెయిడెన్లు(7) వేసిన తొలి బౌలర్​గా నిలిచాడు. ఇప్పటివరకు తొలిస్థానంలో ఉన్న శ్రీలంకకు చెందిన కులశేఖర(6)​ను అధిగమించాడు.

చివరి మ్యాచ్​లో​ నాలుగు ఓవర్లలో 12 పరుగులిచ్చి 3 వికెట్లు పడగొట్టాడు బుమ్రా. 'ప్లేయర్ ఆఫ్ ద మ్యాచ్​'గానూ నిలిచాడు. ఈ పోరులో న్యూజిలాండ్​పై ఏడు పరుగుల తేడాతో టీమిండియా విజయం సాధించింది.

కివీస్​తో టీ20 సిరీస్​ను 5-0 తేడాతో వైట్​వాష్ చేసింది భారత్. సమష్టిగా రాణించిన కోహ్లీసేన.. వన్డే, టెస్టు సిరీస్​కు సిద్ధమవుతోంది. తొలి వన్డే హామిల్టన్​లో ఈ బుధవారం జరగనుంది.

న్యూజిలాండ్​పై టీ20 సిరీస్​ గెల్చుకున్న టీమిండియా