యాషెస్ మొత్తానికి దూరమైన అండర్సన్

ఇంగ్లాండ్ సీనియర్ పేసర్ అండర్సన్ యాషెస్ సిరీస్ మొత్తానికి దూరమయ్యాడు. అతడి స్థానంలో క్రేగ్ ఓవర్టన్​ను తీసుకుంది ఇంగ్లీష్ జట్టు.

యాషెస్​ సిరీస్​లో ఆతిథ్య ఇంగ్లాండ్​కు పెద్ద ఎదురుదెబ్బ తగిలింది. ఆ జట్టు కీలక బౌలర్​, సీనియర్​ ఆటగాడు జేమ్స్​ అండర్సన్ సిరీస్​ మొత్తానికి దూరమయ్యాడు. తొలి టెస్టు​లో కేవలం 4 ఓవర్లే వేసి మైదానం వీడాడీ పేసర్​. తొడ కండరాల గాయం కారణంగా మళ్లీ బౌలింగ్​కు దిగలేదు.

ఐర్లాండ్​తో టెస్టులోనూ ఈ కారణంతోనే ఆడలేదు. యాషెస్ సిరీస్​ ప్రారంభమయ్యే సమయానికి కోలుకున్నా.. మళ్లీ కండరాలు పట్టేయడం వల్ల మ్యాచ్​ మధ్యలోనే మైదానాన్ని వీడాడు. ప్రస్తుతం ఇంకా గాయం నుంచి కోలుకోని అండర్సన్ యాషెస్ సిరీస్ మొత్తానికి దూరమయ్యాడని జట్టు ప్రకటించింది. అతడి స్థానంలో పేసర్ క్రేగ్ ఓవర్టన్​ను తీసుకుంది.

ఇవీ చూడండి.. 'అందుకే అతడ్ని ఎంపిక చేయలేదు'