ఇంగ్లాండ్ సీనియర్‌ బౌలర్ జేమ్స్ ఆండర్సన్‌ టెస్టు క్రికెట్ చరిత్రలో 600 వికెట్లు పడగొట్టిన ఏకైక పేసర్‌గా ఇటీవల రికార్డు సృష్టించాడు. పాకిస్థాన్తో జరిగిన మూడో టెస్టులో భాగంగా ఐదురోజున ఈ ఘనత సాధించాడు. దీంతో పలువురు మాజీలు, ప్రస్తుత ఆటగాళ్లు అతడిపై ప్రశంసలు కురిపిస్తున్నారు. తాజాగా టీమ్ఇండియా సారథి విరాట్ కోహ్లీ జేమ్స్ను పొగడ్తలతో ముంచెత్తాడు.
"600 వికెట్లు సాధించిన అండర్సన్కు అభినందనలు. నేను ఎదుర్కొన్న ఉత్తమ బౌలర్లలో కచ్చితంగా జిమ్మీ ఒకడు" అని విరాట్ ట్వీట్‌ చేశాడు.
2014 ఇంగ్లాండ్ టూర్‌లో జిమ్మీ నాలుగు సార్లు కోహ్లీని ఔట్ చేశాడు. ఆ ఏడాది పర్యటనలో కోహ్లీ దారుణంగా విఫలమయ్యాడు.