ఇంగ్లాండ్ పేసర్ జేమ్స్ అండర్సన్పై లిటిల్ మాస్టర్ సచిన్ తెందూల్కర్ ప్రశంసలు కురిపించాడు. రివర్స్ స్వింగ్లో అత్యుత్తమ ప్రతిభ కలిగిన బౌలర్లలో జేమ్స్ ఒకడని పేర్కొన్నాడు. ఇటీవలే ట్విట్టర్ వేదికగా మాట్లాడిన సచిన్.. అనేక విషయాలపై తన అభిప్రాయాలను పంచుకున్నాడు.
"జేమ్స్ అండర్సన్లో నేను గమనించిన విషయం ఏంటంటే.. బౌలింగ్లో బంతిని అవుట్ స్వింగ్ వేస్తున్నట్లు పట్టుకుంటాడు. కానీ బంతిని రిలీజ్ చేసేటప్పుడు వెనక్కి తీసుకుంటాడు. చాలా మంది బ్యాట్స్మెన్ అతను ఎలా బౌలింగ్ వేస్తున్నాడో తెలుసుకునేందుకు జేమ్స్ మణికట్టును చూస్తారు. ఆ సమయంలో అతను ఇన్ స్వింగ్ వేస్తున్నట్లు అనిపిస్తాడు. కానీ బంతిని వదిలేశాక అది ఎలా వస్తుందో తెలుసుకునే లోపే.. బ్యాట్స్మన్కు రెప్పపాటులో అందకుండా పోతుంది. బంతి దగ్గరకు వచ్చే ముందు కొత్తగా వస్తున్నట్లు అనిపిస్తుంది. ఎవ్వరూ అలా చేయలేరు. ప్రస్తుతం స్టువర్ట్ బ్రాడ్ కూడా ఆ విధంగానే బౌలింగ్ చేస్తున్నాడు. కానీ, అండర్సన్ చాలా కాలం క్రితమే అందులో దిట్ట. రివర్స్ స్వింగ్ వేసే ఉత్తమ బౌలర్లలో జేమ్స్ ఒకడు.