రహానెపై వారి ప్రశంసలు.. గావస్కర్​ సంతోషం

రహానె కెప్టెన్సీపై ఆస్ట్రేలియా మాజీలు పొగడటం ఎంతో సంతోషంగా ఉందని దిగ్గజ​ గావస్కర్ అన్నాడు​. విమర్శించిన వారిని ఈ విజయంతో టీమ్​ఇండియా దీటైనా సమాధానమిచ్చిందని చెప్పాడు.

బాక్సింగ్ డే టెస్టు విజయంతో తాత్కాలిక కెప్టెన్​ రహానెను ఆసీస్ దిగ్గజాలు ప్రశంసించడం చూస్తుంటే ఎంతో ఆనందంగా ఉందని భారత మాజీ క్రికెటర్​ గావస్కర్​ అన్నాడు. అతడి నాయకత్వ లక్షణాలు అద్భుతంగా ఉన్నాయని కితాబిచ్చాడు.

"ఆస్ట్రేలియా దిగ్గజాలు పాంటింగ్​, గిల్​క్రిస్ట్​, మైక్ ​హస్సీ, షేన్​ వార్న్​ లాంటి స్టార్​ ఆటగాళ్లు రహానెను పొగడ్తలతో ముంచెత్తడం చూస్తుంటే చాలా సంతోషంగా ఉంది. టెస్టు సిరీస్​లో టీమ్​ఇండియా వైట్​వాష్​ అవుతుందని చెప్పిన కొందరు ఆసీస్​ క్రికెటర్లకు ఈ విజయంతో భారత సరైనా సమాధానమిచ్చింది. టీమ్​ఇండియా, ఓటమితో డీలా పడే జట్టు కాదు తిరిగి పుంజుకుని బలంగా ఢీ కొట్టే జట్టు"

-గావస్కర్​, భారత దిగ్గజ క్రికెటర్​.

ఈ మ్యాచ్​తోనే టెస్టు అరంగేట్రం చేసిన గిల్ ఆటతీరు​ను గావస్కర్ ప్రశంసించాడు​. తన ఆటను ఇలానే కొనసాగిస్తే టీమ్​ఇండియాలో కీలక ఆటగాడు అవుతాడని అన్నాడు. తుది జట్టులో జడేజాకు అవకాశం కల్పించే విషయమై టీమ్​మేనేజ్​మెంట్​ మంచి నిర్ణయం తీసుకుందని అన్నాడు. పేలవ ప్రదర్శన చేస్తున్న మయాంక అగర్వాల్​కు మూడో టెస్టులోనూ మరో అవకాశమివ్వాలని సూచించాడు.

రహానె, కోహ్లీ

ఇదీ చూడండి : జడేజా సరికొత్త రికార్డు.. ధోనీ, కోహ్లీ సరసన చోటు