ఓ సారి కప్పు గెలిచి.. గత సీజన్లో రన్నరప్గా నిలిచిన జట్టు ఓ వైపు... రెండు సార్లు ఐపీఎల్ విజేత, ఈ సారి టైటిల్ ఫేవరెట్గా బరిలో దిగుతున్న జట్టు మరోవైపు. ఐపీఎల్ 2019 సీజన్ రెండో మ్యాచ్లో నేడు సన్రైజర్స్ హైదరాబాద్, కోల్కతా నైట్ రైడర్స్ తలపడనున్నాయి. కోల్కతా ఈడెన్ గార్డెన్స్లో ఈ మ్యాచ్ జరగనుంది.
ఏడాది పాటు క్రికెట్కు దూరంగా ఉన్న వార్నర్ పునరాగమనం చేయనుండగా, ఐపీఎల్లో సత్తా చాటి ప్రపంచకప్లో చోటు కోసం ప్రయత్నిస్తున్నాడు దినేశ్ కార్తీక్.
ఈ రెండు జట్లు ముఖాముఖి 15 సార్లు తలపడగా కోల్కతానే ఎక్కువ మ్యాచ్ల్లో విజయం సాధించింది. నైట్రైడర్స్ 9 సార్లు గెలవగా, సన్రైజర్స్ 6 సార్లు నెగ్గింది. గతేడాది కోల్కతాను ఓడించి ఫైనల్ చేరింది హైదరాబాద్. ఈ ఏడాది కూడా దినేశ్ కార్తీక్ సారథ్యంలోనే నైట్రైడర్స్ బరిలో దిగనుంది. హైదరాబాద్ జట్టుకు విలియమ్సన్ కెప్టెన్గా వ్యవహరిస్తున్నాడు.
కోల్కతా నైట్రైడర్స్ ...
బలాలు:దినేశ్ కార్తీక్ గత సీజన్లో 498 పరుగులు చేసి జట్టును మూడో స్థానంలో నిలిపాడు. ఓపెనర్లు క్రిస్ లిన్, సునీల్ నరైన్ జట్టుకు అదనపు బలం. ఇద్దరూ భారీ షాట్లు ఆడగల సమర్థులు. సునీల్ నరైన్, కుల్దీప్ యాదవ్ లాంటి అత్యుత్తమ స్పిన్నర్లు అందుబాటులో ఉన్నారు. మిడిల్ ఆర్డర్లో రసెల్, బ్రాత్వైట్ లాంటి విధ్వంసకర ఆటగాళ్లు జట్టులో ఉన్నారు.
బలహీనతలు: పేస్ విభాగం కొంచెం బలహీనం. విండీస్ ఆల్రౌండర్లు బ్రాత్వైట్, రసెల్ ఉన్నప్పటికీ గత సీజన్లో అంతగా ప్రభావం చూపలేదు.
సన్రైజర్స్ హైదరాబాద్
బలాలు:డేవిడ్ వార్నర్ పునరాగమనం జట్టుకు కలిసొచ్చే అంశం. మార్టిన్ గప్తిల్, కేన్ విలియమ్సన్లతో టాప్ ఆర్డర్ బలంగా ఉంది. భువనేశ్వర్, రషీద్ ఖాన్, సందీప్ శర్మ, కౌల్, ఖలీల్ అహ్మద్లతో బౌలింగ్ విభాగం పటిష్ఠంగా ఉంది. గత రెండు సీజన్లలో ఆరెంజ్ క్యాప్ సన్ రైజర్స్ ఆటగాళ్లకే దక్కడం (వార్నర్, విలియమ్స్న్) విశేషం.
బలహీనతలు: మిడిల్ ఆర్డర్ బలహీనంగా ఉంది. యూసఫ్ పఠాన్, మనీశ్ పాండే, సాహాలు ఫామ్ అందిపుచ్చుకోవాల్సిన అవసరం ఉంది.
ఓపెనర్ శిఖర్ ధావన్ దిల్లీ వెళ్లగా ధావన్ స్థానంలో విజయ్ శంకర్, షాబాజ్ నదీమ్, అభిషేక్ శర్మలను తీసుకుంది సన్రైజర్స్. వీరు ఎలా ఆకట్టుకుంటారో చూడాలి.
జట్లు..
కోల్కతా నైట్ రైడర్స్:దినేశ్ కార్తీక్(కెప్టెన్), రాబిన్ ఊతప్ప, క్రిస్లిన్, శుభ్మన్ గిల్, ఆండ్రీ రసెల్, కార్లోస్ బ్రాత్వైట్, సునీల్ నరైన్, పీయూష్ చావ్లా, కుల్దీప్ యాదవ్, నిఖిల్ యాదవ్, జోయ్ డెన్లై, శ్రీకాంత్ ముండే, నితిశ్ రానా, సందీప్ వారియర్, ప్రసిధ్ కృష్ణ, లోకీ ఫెర్గ్యూసన్, హ్యారీ గుర్నే, కేసీ కరియప్ప, యర్రా పృథ్వీరాజ్.
హైదరాబాద్ సన్ రైజర్స్: కేన్ విలియమ్సన్(కెప్టెన్), మనీశ్ పాండే, మార్టిన్ గప్తిల్, రికీ భూయ్, డేవిడ్ వార్నర్, దీపక్ హూడా, మహమ్మద్ నబీ, యూసుఫ్ పఠాన్, షకీబ్ అల్ హసన్, అభిషేక్ శర్మ, విజయ్ శంకర్, శ్రీవత్స్ గోస్వామి, బెయిర్స్టో, వృద్ధిమాన్ సాహా, సిద్ధార్థ్ కౌల్, ఖలీల్ అహ్మద్, భువనేశ్వర్ కుమార్, రషీద్ ఖాన్, బసీల్ థంపీ, బిల్లి, టి.నటరాజన్, సందీప్ శర్మ, షాబాజ్ నదీమ్.
మ్యాచ్ ప్రారంభం : సాయంత్రం 4 గంటలకు
