'ఐపీఎల్​ లోగో ఇతడిని చూసే డిజైన్ చేశారా?'

ముంబయి ఇండియన్స్​తో జరిగిన మ్యాచ్​లో తన బ్యాటింగ్​తో రాయల్ ఛాలెంజర్స్​ బెంగళూరుకు విజయాన్ని అందించాడు ఏబీ డివిలియర్స్. ఈ క్రమంలోనే ఇతడి బ్యాటింగ్​ను కొనియాడాడు టీమ్ఇండియా మాజీ క్రికెటర్ వీరేంద్ర సెహ్వాగ్.

ఐపీఎల్ 14వ సీజన్ ప్రారంభమ్యాచ్​లో ముంబయి ఇండియన్స్​కు షాకిచ్చింది రాయల్ ఛాలెంజర్స్ బెంగళూరు. ఈ మ్యాచ్​లో రెండు వికెట్ల తేడాతో గెలిచి టోర్నీలో బోణీ కొట్టింది. అయితే ఆర్సీబీ విజయంలో ఆ జట్టు ప్రధాన బ్యాట్స్​మన్ ఏబీ డివిలియర్స్ కీలకపాత్ర పోషించాడు. ఒత్తిడిలోనూ గొప్పగా ఆడి జట్టును విజయతీరాలకు చేర్చాడు. ఈ క్రమంలోనే ఇతడి బ్యాటింగ్​పై ప్రశంసలు కురిపించాడు టీమ్ఇండియా మాజీ క్రికెటర్ వీరేంద్ర సెహ్వాగ్.

డివిలియర్స్ బ్యాటింగ్ అద్భుతమని కొనియాడాడు సెహ్వాగ్. అలాగే ఐపీఎల్​ లోగోనూ రహస్యంగా డివిలియర్స్​ బాదిన షాట్​ నుంచే తీసుకున్నట్లు తెలిపాడు. ఏబీడీ షాట్లను చూసి యాజమాన్యం ఈ లోగో డిజైన్ చేసి ఉంటుందని ట్వీట్ చేశాడు.

చెన్నై వేదికగా జరిగిన ఈ మ్యాచ్​లో టాస్ ఓడి మొదట బ్యాటింగ్ చేసిన ముంబయి నిర్ణీత 20 ఓవర్లలో 9 వికెట్ల నష్టానికి 159 పరుగులు చేసింది. క్రిస్ లిన్ (49), సూర్యకుమార్ (31) ఆకట్టుకున్నారు. అనంతరం 160 పరుగుల లక్ష్యంతో బరిలోకి దిగిన ఆర్సీబీ ఆఖరి బంతికి విజయం సాధించింది. డివిలియర్స్ 27 బంతుల్లో 48 పరుగులతో సత్తాచాాటాడు.