'ముంబయిలో ఐపీఎల్ మ్యాచ్​లకు అనుమతిచ్చాం'

ముంబయిలో ఐపీఎల్​ మ్యాచ్​లపై స్పష్టత ఇచ్చారు మహారాష్ట్ర​ మంత్రి నవాబ్ మాలిక్. యథావిధిగా మ్యాచ్​లు జరుగుతాయని స్పష్టం చేశారు. లీగ్​కు ప్రేక్షకులను అనుమతించట్లేదు కాబట్టి ఐపీఎల్​కు ఆటంకం ఏం ఉండదని తెలిపారు.

ఐపీఎల్​ మ్యాచ్​లపై మహారాష్ట్ర మంత్రి నవాబ్ మాలిక్ స్పందించారు. అనుకున్న షెడ్యూల్​ ప్రకారం ముంబయిలో మ్యాచ్​లు జరుగుతాయని స్పష్టం చేశారు. రాష్ట్రంలో వారాంతపు లాక్​డౌన్​తో పాటు రాత్రి కర్ఫ్యూ విధిస్తామని ప్రభుత్వం ప్రకటించిన ఒక్క రోజు తర్వాత ఆయన ఈ వ్యాఖ్యలు చేశారు.

"ఐపీఎల్​లో ప్రేక్షకులకు అనుమతి లేనందున మ్యాచ్​ల నిర్వహణకు అనుమతిచ్చాం. లీగ్​లో పాల్గొనే వారు ఒకే చోట స్వీయ నిర్బంధంలో ఉండాలి."

-నవాబ్ మాలిక్, మహారాష్ట్ర మంత్రి.

"చాలా మంది ఆటగాళ్లకు టీకా ఇవ్వాలని డిమాండ్​ చేస్తున్నారు. బీసీసీఐ కూడా కేంద్రాన్ని అభ్యర్థించింది. రాష్ట్రంలో చాలా మంది వైరస్ బారిన పడే అవకాశం ఉందని తెలుసు. వయోపరిమితిని తగ్గించాలని కేంద్రాన్ని కోరాం. కానీ వారు అనుమతి ఇవ్వకుండా మేమే పని చేయలేం" అని ​మంత్రి పేర్కొన్నారు.

ఇదీ చదవండి:మియామి ఓపెన్ పురుషుల సింగిల్స్​ విజేత హుబెర్ట్