'నేను చూసిన యువ క్రికెటర్లలో పంత్​ ఉత్తమం'

దిల్లీ క్యాపిటల్స్​ కెప్టెన్ రిషభ్ పంత్​ను కొనియాడాడు ఇంగ్లాండ్ ఆటగాడు సామ్​ బిల్లింగ్స్. తాను చూసిన అత్యుత్తమ యువ క్రికెటర్లలో పంత్​ బెస్ట్​ అని ప్రశంసించాడు.

టీమ్​ఇండియా యువ బ్యాట్స్​మెన్, దిల్లీ క్యాపిటల్స్​ కెప్టెన్​​ రిషభ్ పంత్​పై.. ఇంగ్లాండ్​ బ్యాట్స్​మెన్​ సామ్ బిల్లింగ్స్​ ప్రశంసలు కురిపించాడు. తాను చూసిన యువ క్రికెటర్లలో పంత్​ అత్యుత్తమ ఆటగాడు అని కొనియాడాడు.

"రిషభ్ ఆటను మొదటి సారి చూసింది నాకు గుర్తుంది. మేము అప్పుడు ప్రాక్టీస్​లో ఉండగా.. క్రిస్​ మోరిస్, నాథన్ కౌల్టర్ నైల్ వంటి బౌలర్ల బంతులను షాట్లు కొడుతూ కనిపించాడు. అప్పుడు నేను రాహుల్​ ద్రవిడ్​ (అప్పుడు దిల్లీ జట్టు మెంటర్​)ను ఈ కుర్రాడు ఎవరు అని అడిగాను. ప్రస్తుతం మనందరికీ రిషభ్ పంత్ ఎవరో తెలుసు. బహుశా నేను చూసిన యువ క్రికెటర్లలో పంత్​ ఉత్తమ ఆటగాడు."

-సామ్​ బిల్లింగ్స్​, ఇంగ్లాండ్ క్రికెటర్.

ఐపీఎల్​కు తిరిగి రావడం పట్ల సంతోషం వ్యక్తం చేశాడు బిల్లింగ్స్​. దిల్లీ ఫ్రాంఛైజీ తనకు అద్భుతమైన ఆహ్వానాన్ని అందించిందని తెలిపాడు. దిల్లీ క్యాంపులో ఉండడం సంతోషంగా ఉందని పేర్కొన్నాడు. ప్రపంచంలోని అత్యుత్తమ లీగ్​లలో ఐపీఎల్​ ఒకటి.. ఈ టోర్నీలో ఆడినప్పటి నుంచి నా ఆట మెరుగైందని వెల్లడించాడు. 2016, 2017 సీజన్లలో దిల్లీ తరఫున ఆడిన బిల్లింగ్స్​ను​.. తాజా సీజన్​లోనూ దిల్లీ కొనుగోలు చేసింది. రూ.2 కోట్ల బేస్ ప్రైజ్​కు అతన్ని దక్కించుకుంది.

ఇదీ చదవండి:ఐపీఎల్​లోని ఈ రికార్డులు బ్రేక్ అవుతాయా?