దిల్లీ క్యాపిటల్స్​​ కొత్త జెర్సీ ఇదే

ఐపీఎల్ 14వ సీజన్​ కోసం కొత్త జెర్సీని ఆవిష్కరించింది దిల్లీ క్యాపిటల్స్​. సంబంధిత జెర్సీని డీసీ తన అధికారిక ట్విట్టర్​ ఖాతాలో పంచుకొంది.

రానున్న ఐపీఎల్​ సీజన్​ కోసం కొత్త జెర్సీని తీసుకొచ్చింది దిల్లీ క్యాపిటల్స్​(డీసీ) ఫ్రాంచైజీ. సంబంధిత విషయాన్ని డీసీ తన అధికారిక ట్విట్టర్​ ఖాతాలో వెల్లడించింది. జేఎస్​డబ్ల్యూ.. గతేడాది నుంచి దిల్లీ ఫ్రాంచైజీకి స్పాన్సర్​గా వ్యవహరిస్తోంది. వరుసగా రెండో ఏడాది డీసీతో తమ అనుబంధాన్ని కొనసాగిస్తోంది జేఎస్​డబ్ల్యూ.

ఈ సారి టైటిల్ కొట్టేనా..?

శ్రేయస్​ అయ్యర్​ సారథ్యంలో గొప్పగా పుంజుకున్న దిల్లీ.. నిరుడు టైటిల్​ సాధించేలా కనిపించింది. ముంబయితో జరిగిన ఫైనల్లో ఓడిపోయింది. ఈ సారి టైటిల్​ను సాధించడమే ధ్యేయంగా బరిలోకి దిగుతోంది.

ఇదీ చదవండి:ఇంగ్లాండ్​తో వన్డే సిరీస్​కు భారత జట్టు ప్రకటన