దుబాయ్ వేదికగా సెప్టెంబరు 19 నుంచి నవంబరు 10 వరకు ఐపీఎల్ 13వ సీజన్ జరగనుంది. ఈ నేపథ్యంలో తమ జట్టు బలబలాలు గురించి మాట్లాడాడు సీఎస్కే బ్యాటింగ్ కోచ్ మైకెల్ హస్సీ. బ్యాటింగ్ జట్టుకు బలం అని చెప్పాడు. మిడిల్ఆర్డర్లో ఆడేవారు పరిస్థితుల ఆధారంగా సమతుల్యం చేసుకుంటూ ఆడాలని సూచించాడు. దీని ద్వారా జట్టు విజయం సాధించే అవకాశం ఉందని అన్నాడు. దీంతో పాటు ధోనీ 4వ స్థానంలో ఆడడం మంచిదని అభిప్రాయపడ్డాడు.
జట్టులో అనుభవజ్ఞులైన ఆటగాళ్లు ఉన్నారని, వారికి పరిస్థితులకు అనుగుణంగా ఎలా ఆడాలో తెలుసని అన్నాడు హస్సీ. వీరంతా జట్టు గెలవడంలో కీలక పాత్ర పోషిస్తారని తెలిపాడు.
"ఖాళీ స్టేడియాల్లో, బయోసెక్యూర్ వాతవరణంలో జరగబోతున్న ఈ మెగాటోర్నీ కోసం ఎంతో ఉత్సహాంగా, ఆసక్తిగా ఎదురుచూస్తున్నా. ప్రతి ఒక్కరి ఆరోగ్య క్షేమం కోసం నిబంధనలు పాటించాలి. ప్రేక్షకులు స్టేడియంలో లేనప్పటికీ.. ఆటగాళ్లు మునపటి ఉత్సాహంతోనే ఆడతారని భావిస్తున్నా."