'స్మిత్​కు భారత పౌరసత్వం ఇవ్వాలి'

గురువారం భారత్​-ఆసీస్​ మధ్య జరిగిన తొలి వన్డేలో శతకం బాదిన ఆస్ట్రేలియా బ్యాట్స్​మన్​ స్టీవ్​ స్మిత్​ను ప్రశంసించాడు కామెంటేటర్​ ఆకాశ్​ చోప్రా. అతడికి భారత పౌరసత్వం, ఆధార్​ కార్డ్​ మంజూరు చేయాలంటూ హాస్యభరితమైన ట్వీట్​ చేశాడు.

ఐపీఎల్-​13వ సీజన్​లో తేలిపోయిన ఆస్ట్రేలియా స్టార్​ బ్యాట్స్​మన్​ స్టీవ్​ స్మిత్ (105)​.. గురువారం టీమ్​ఇండియాతో ఆడిన తొలి వన్డేలో అద్భుతమైన ఇన్నింగ్స్​ ఆడాడు. దీంతో అతడిని ప్రశంసిస్తూ హాస్యభరితమైన వ్యాఖ్యలు చేశాడు భారత మాజీ క్రికెటర్​, కామెంటేటర్​ ఆకాశ్​ చోప్రా. "స్మిత్​ భారతదేశాన్ని చాలా ఇష్టపడతాడు. దయచేసి అతడికి భారత పౌరసత్వంతో సహ ఆధార్​కార్డును మంజూరు చేయండి" అని ట్వీట్​ చేశాడు. ఇది చూసిన నెటిజన్లు విపరీతంగా నవ్వుకుంటూ కామెంట్లు పెడుతున్నారు.

ఐపీఎల్​ 13వ సీజన్​లో రాజస్థాన్​ రాయల్స్​కు సారథిగా వ్యవహరించిన స్మిత్​.. 12 మ్యాచుల్లో 192 పరుగులు మాత్రమే చేశాడు.

ఇదీ చూడండి : ఈ బ్యాట్స్​మెన్​కు ఆ బౌలర్లతో చాలా ఇబ్బందే!