వీళ్లు బ్యాట్పడితే ప్రత్యర్థి బౌలర్లకు చుక్కలు... బౌలింగ్ వేస్తే ముచ్చెమటలు.. మైదానంలో బౌండరీలు, వికెట్లతో విజృంభించే క్రికెటర్లు వెండితెరపైనా తమ అదృష్టాన్ని పరీక్షించుకుంటున్నారు. ఇటీవలే టీమిండియా పేసర్ శ్రీశాంత్ హీరోగా మెప్పించాడు. తాజాగా ఇర్ఫాన్ పఠాన్, హర్భజన్సింగ్ తెరంగేట్రం చేయనున్నారు. ఇలా బిగ్స్క్రీన్పై మెరిసిన కొంత మంది క్రికెటర్లను ఇప్పుడు చూద్దాం.
సచిన్ తెందూల్కర్..
క్రికెట్ దేవుడు సచిన్ తెందూల్కర్ ఆట కోసం ప్రాణంపెట్టి అరుదైన రికార్డులు సొంతం చేసుకున్నాడు. అయితే తన బయోపిక్లో తానే నటించి మరో ఘనతనూ సాధించాడు. 'సచిన్ బిలియనీర్స్ డ్రీమ్' పేరుతో 2017లో వచ్చిన ఈ సినిమా మాస్టర్ ప్రస్థానాన్ని వెండితెరపై ఆవిష్కరింపజేసింది.
యువరాజ్ సింగ్..
యువీ బ్యాటింగ్కు అభిమానులు ఫిదా అయిపోతుంటారు. ఒకవేళ క్రికెటర్ కాకపోయినట్లయితే హీరో అవుదామనుకునే ఆలోచనలో ఉండేవాడట ఈ సిక్సర్ల వీరుడు. అంతేకాదు చిన్నతనంలోనే ఓ పంజాబీ చిత్రంలో బాలనటుడిగానూ మెప్పించాడు. 2008లో వచ్చిన 'జుంబో' అనే యానిమేటెడ్ సినిమాలో ఓ పాత్రకు తన గొంతు అరువిచ్చాడు.
శ్రీశాంత్..
2017లో వచ్చిన 'అక్సర్ 2' చిత్రంతో నటనలో ఓనమాలు నేర్చుకున్నాడు శ్రీశాంత్. అనంతరం మలయాళ చిత్రాలు టీమ్5, కాబారెట్లో మెప్పించాడు. కన్నడలోనూ 'కెంపెగౌడ2' అనే సినిమాలో నటించాడు. 2013 స్పాట్ ఫిక్సింగ్ అనంతరం క్రికెట్కు దూరమైన శ్రీశాంత్... ఇటీవల ఓ వెబ్సిరీస్లోనూ అడుగుపెట్టేందుకు ఓకే చెప్పేశాడు.
సునీల్ గావస్కర్..
క్రికెట్లో తనదైన ప్రదర్శనతో అత్యంత విజయవంతమైన ఆటగాడిగా పేరు తెచ్చుకున్నాడు సునీల్ గావస్కర్. ఓ పక్క క్రికెటర్గానే కాకుండా నటనతోనూ ఆకట్టుకున్నాడు. 1980లో 'సావ్లీ ప్రేమాచీ' అనే మరాఠీ చిత్రంలో నటించాడు. ఇందులో ఓ పాట కూడా ఆలపించాడు సన్నీ.