కరోనా ప్రభావంతో దేశంలో 21 రోజులపాటు లాక్డౌన్ విధించారు. ఈ కారణంతో అందరూ ఇళ్లకే పరిమితమయ్యారు. పలువురు సెలబ్రిటీలు.. వ్యాయామం, వంట, ఇంటిపని తదితర వీడియోలను సోషల్ మీడియా వేదికగా అభిమానులతో పంచుకుంటున్నారు. ఇదే తరహాలో నటి అనుష్క శర్మ, తన భర్త కోహ్లీ జత్తు కత్తిరిస్తున్న వీడియోను పోస్ట్ చేసింది. దీనిపై బౌలర్ చాహల్ హాస్యభరితంగా స్పందించాడు.
కోహ్లీ జుత్తు అనుష్క కట్ చేయడంపై చాహల్ క్రేజీ కామెంట్
నటి అనుష్క శర్మ పోస్ట్ చేసిన ఓ వీడియోపై ఆసక్తికర కామెంట్ చేశాడు టీమిండియా స్పిన్నర్ చాహల్. ఇప్పుడది వైరల్గా మారింది.
కోహ్లీ చాహల్ అనుష్క శర్మ
ఈ వీడియోలో కోహ్లీ జుత్తును అనుష్క కట్ చేస్తూ ఉంటుంది. అయితే విరాట్కు కటింగ్ చేయాలంటే అవి పనికిరావని ట్రిమ్మర్ ఉపయోగించాలని చమత్కరించాడు చాహల్. వీటికి రెండు నవ్వుతున్న ఏమోజీలను జత చేశాడు.
సామాజిక మాధ్యమాల్లో ఎప్పుడూ చురుగ్గా ఉండే ఈ బౌలర్.. చాహల్ టీవీ పేరుతో సహచర క్రికెటర్లను ఇంటర్వ్యూ చేస్తుంటాడు. ఫన్నీ టిక్టాక్లతోనూ నవ్విస్తుంటాడు.