ఇంగ్లాండ్ స్పిన్ విభాగం పటిష్ఠంగా ఉందన్నాడు ఆ జట్టు ప్రధాన పేసర్ జోఫ్రా ఆర్చర్. కాబట్టి స్పిన్ బౌలింగ్తో తమ జట్టును ఓడించడం టీమ్ఇండియాకు సాధ్యం కాదని చెప్పాడు.
ఇరు జట్లు త్వరలోనే నాలుగు మ్యాచ్ల టెస్టు సిరీస్ ఆడనున్నాయి.
" భారత్లో పిచ్ పేసర్లకు సహకరిస్తుందని ఆశిస్తున్నా. లేదంటే కొద్దీగా బంతి తిరిగేందుకు అవకాశం ఉంటుందనుకుంటున్నా. ఒకవేళ టీమ్ఇండియా స్పిన్ను ఆశ్రయిస్తే ఎట్టిపరిస్థితుల్లో పోటీ ఏకపక్షంగా సాగదు. ఎందుకంటే మా దగ్గరా మంచి స్పిన్నర్లు ఉన్నారు. స్పిన్తో భారత్ మమ్మల్ని ఢీ కొనలేదు."
-జోఫ్రా ఆర్చర్, ఇంగ్లాండ్ బౌలర్
భారత్లో ఎన్నో ఐపీఎల్ మ్యాచ్లు ఆడినప్పటికీ టెస్టు అనుభవం లేదన్నాడు ఆర్చర్. ఎర్ర బంతితో ఎదురయ్యే సవాళ్లు మున్ముందు తెలుస్తాయని చెప్పాడు. ఇక టెస్టుల్లో సెషన్ల కొద్దీ బౌలింగ్ చేయాల్సి ఉంటుందని, పిచ్ మందకొడిగా ఉంటే బౌలర్లకు చాలా కష్టమని అన్నాడు.
ఇటీవల ముగిసిన శ్రీలంక పర్యటనలో క్లీన్స్వీప్తో ఉత్సాహంగా ఉంది ఇంగ్లాండ్ జట్టు. ఇక ఆస్ట్రేలియాలో టెస్టు సిరీస్ విజయంతో ఆత్మవిశ్వాసంతో ఉంది టీమ్ఇండియా. ఇరు జట్ల మధ్య తొలి టెస్టు ఫిబ్రవరి 5న చెన్నైలో ప్రారంభంకానుంది.
ఇదీ చూడండి:ఇంగ్లాండ్తో సిరీస్కు ముగ్గురు భారత అంపైర్లు
