అండర్-19 ఆసియాకప్ విజేతగా భారత్ నిలిచింది. కొలంబో వేదికగా ఉత్కంఠ భరితంగా సాగిన తుదిపోరులో టీమిండియా కుర్రాళ్లు విజయం సాధించారు. బంగ్లాదేశ్తో జరిగిన ఫైనల్లో ఐదు పరుగుల తేడాతో గెలిచారు. 5 వికెట్లతో విజృంభించిన భారత బౌలర్ అధర్వకు మ్యాన్ ఆఫ్ ద మ్యాచ్ అవార్డు దక్కింది.
మొదట బ్యాటింగ్ చేసిన భారత్.. బంగ్లా బౌలర్ల ధాటికి 32.4 ఓవర్లలో 106 పరుగులకే ఆలౌటైంది. టీమిండియా బ్యాట్స్మెన్ ధ్రువ్(33), కరన్లాల్(37) పరుగులతో రాణించారు. బంగ్లా బౌలర్లలో మృత్యుంజయ్, షమీమ్ చెరో 3 వికెట్లు తీశారు.