మహిళల టీ20 ప్రపంచకప్లో హ్యాట్రిక్ విజయాలతో సెమీస్‌కు చేరింది టీమిండియా. శ్రీలంకతో చివరి లీగ్‌ మ్యాచ్ నేడు(శనివారం) ఆడనుంది. ఇప్పటికే సెమీస్‌ రేసు నుంచి తప్పుకున్న లంక... ఈ నామమాత్రపు మ్యాచ్‌లోనైనా గెలవాలని కోరుకుంటోంది. గత మ్యాచ్ల్లో విఫలమైన భారత బ్యాటర్లు.. ఈ రోజైనా పూర్తి స్థాయిలో రాణించాలని భావిస్తున్నారు.
భారత్ జట్టులో ఓపెనర్‌ షెఫాలీ వర్మ మినహా ఏ బ్యాట్స్‌ఉమెన్‌ చెప్పుకోదగ్గ ఇన్నింగ్స్‌ ఆడలేదు. లంకతో మ్యాచ్ ఎలా ఆడినా.. సెమీస్‌లో మెరుగైన బ్యాటింగ్‌ చేయడం అవసరం. లేని పక్షంలో భంగపాటు ఎదురైనా ఆశ్చర్యపోవాల్సిన అవసరం లేదు.