'జడేజా లేడు.. ఇంగ్లాండ్​ రెచ్చిపోతోంది'

టీమ్​ఇండియా జట్టు కూర్పుపై కీలక వ్యాఖ్యలు చేశాడు ఇంగ్లాండ్ మాజీ కెప్టెన్ మైఖేల్ వాన్. రవీంద్ర జడేజా లేకపోవడం ఇంగ్లాండ్​కు కలిసొచ్చిందని చెప్పాడు.

స్వదేశంలో భారత జట్టులో ఆల్​రౌండర్ రవీంద్ర జడేజా లేకపోవడం ఇంగ్లాండ్​కు మంచి అవకాశమన్నాడు ఆ జట్టు మాజీ సారథి మైఖేల్ వాన్. ఈ సిరీస్​లో టీమ్​ఇండియానే ఫేవరెట్​ అంటూ గతంలో వ్యక్తం చేసిన తన అభిప్రాయాన్ని మార్చుకోవాల్సి వస్తోందని చెప్పాడు.

"భారత్, ఇంగ్లాండ్​ సిరీస్​పై నా అంచనా మార్చుకోవాల్సిన అవసరం ఉంది. సొంత గడ్డపై జడేజా లేని టీమ్​ఇండియా.. ఇంగ్లాండ్​కు గొప్ప అవకాశం ఇచ్చింది. దానికి తోడు పర్యటక జట్టు నాణ్యమైన టెస్టు క్రికెట్ ఆడుతోంది." అని వాన్ ట్వీట్ చేశాడు.

ఆస్ట్రేలియా పర్యటనలో బొటన వేలు గాయం కారణంగా జట్టు నుంచి తప్పుకున్నాడు జడేజా. ఈ క్రమంలోనే ఇంగ్లాండ్​తో తొలి రెండు టెస్టులకు అతడు అందుబాటులో లేడు. ప్రస్తుతం అతడు చికిత్స పొందుతున్నాడు.

బౌలర్ల వైఫల్యం కారణంగా తొలి టెస్టులో ఇంగ్లాండ్ భారీ స్కోరు దిశగా సాగుతోంది. తొలి ఇన్నింగ్స్​లో రూట్ ద్విశతకంతో రెండో రోజు ఆట ముగిసే సమయానికి 555/8 పరుగుల వద్ద నిలిచింది.

ఇదీ చూడండి: చరిత్ర సృష్టించిన రూట్- 100వ మ్యాచ్​లో 200