బంగ్లాదేశ్తో జరిగిన చారిత్రక పింక్‌బాల్‌ టెస్టులో టీమిండియా ఆదివారం ఘన విజయం సాధించింది. ఈ సందర్భంగా కెప్టెన్‌ కోహ్లీ.. గంగూలీపై ప్రశంసలు కురిపించాడు. తమ విజయానికి బీజం వేసింది బీసీసీఐ అధ్యక్షుడు, మాజీ సారథి సౌరభ్‌ గంగూలీ అని కొనియాడాడు. ఈ విషయంపై స్పందించిన మాజీ క్రికెట్ దిగ్గజం సునీల్‌ గావస్కర్ అసహనం వ్యక్తం చేశాడు.
"ఇదో అద్భుతమైన విజయం, అయితే నేనొక విషయం చెప్పదల్చుకున్నా. భారత జట్టు విజయ పరంపర 2000 నుంచి దాదా జట్టుతో మొదలైందని కోహ్లీ అన్నాడు. గంగూలీ బీసీసీఐ అధ్యక్షుడని తెలుసు. కాబట్టి దాదా గురించి కోహ్లీ మంచిగా చెప్పి ఉండొచ్చు. అయితే, భారత జట్టు 1970, 80ల్లోనూ విజయాలను నమోదు చేసింది. అప్పటికి కోహ్లీ పుట్టలేదు."
-గావస్కర్, టీమిండియా మాజీ ఆటగాడు
అప్పట్లో స్వదేశంలోనే కాక విదేశాల్లోనూ గెలుపొంది టీమిండియా మంచి పేరు తెచ్చుకుందని అన్నాడు గావస్కర్.