వెస్టిండీస్-భారత్ జట్ల మధ్య కీలక మూడో వన్డే.. కటక్ వేదికగా ఆదివారం జరగనుంది. అయితే ఈ మ్యాచ్కు ముందు టీమిండియాకు మూడు రోజులు విశ్రాంతి దొరికింది. శుక్రవారం ఇరుజట్లకు ప్రాక్టీస్ సెషన్‌ లేకపోవడం వల్ల కోహ్లీ తన సహచరులతో కలిసి సరదాగా గడిపాడు. ఈ సందర్భంగా తీసుకున్న ఫొటోలను తన ట్విట్టర్లో షేర్‌ చేశాడు. ఇందులో విరాట్తో పాటు కేఎల్‌ రాహుల్‌, రిషబ్‌ పంత్‌, రవీంద్ర జడేజా, కేదార్‌ జాదవ్‌, యజువేంద్ర చాహల్‌, శ్రేయస్ అయ్యర్, మనీశ్ పాండే ఉన్నారు.
సరదాగా కోహ్లీసేన.. ఫొటోలు వైరల్
భారత్-వెస్టిండీస్ మధ్య నిర్ణయాత్మక ఆఖరి వన్డే ఆదివారం జరగనుంది. ప్రస్తుతం మూడు వన్డేల సిరీస్లో 1-1 తేడాతో సమంగా ఉన్నాయి ఇరుజట్లు. ఇప్పటికే ఒడిశాలోని కటక్ చేరుకున్న టీమిండియా.. ప్రాక్టీస్ లేకపోవడం వల్ల సరదాగా గడుపుతూ కనిపించింది.
ప్రాక్టీస్ లేకపోవడం వల్ల బిందాస్గా కోహ్లీ సేన
సిరీస్ సమం...
చెన్నై వేదికగా భారత్తో జరిగిన మొదటి వన్డేలో 8 వికెట్ల తేడాతో గెలిచింది వెస్టిండీస్. ఆ తర్వాత విశాఖలో జరిగిన రెండో వన్డేలో రోహిత్‌, రాహుల్‌ శతకాలతో ఆకట్టుకోగా.. శ్రేయస్ అయ్యర్, పంత్‌ మెరుపు ఇన్నింగ్స్‌ ఆడారు. ఈ మ్యాచ్లో టాపార్డర్ ధాటికి 387 పరుగుల భారీ స్కోరు చేసింది టీమిండియా. అనంతరం విండీస్‌ను 280 పరుగులకు ఆలౌట్‌ చేసింది. ఫలితంగా మూడు వన్డేల సిరీస్ 1-1 తేడాతో సమమైంది. ఈ మ్యాచ్లో చైనామెన్‌ బౌలర్‌ కుల్దీప్‌ యాదవ్‌ హ్యాట్రిక్‌తో మెరిశాడు. ఈ ఏడాది ఆఖరి, కీలకమైన వన్డేలో విజయం సాధించాలని భావిస్తోంది కోహ్లీసేన.