ఏడేళ్ల నుంచి వన్డేల్లో రారాజుగా రాణిస్తోన్న రోహిత్శర్మ... మరోసారి తన ప్రతాపం చూపించాడు. విండీస్ బౌలింగ్ను చీల్చి చెండాడుతూ... కెరీర్లో మరోసారి 150 పైగా స్కోరు సాధించాడు. కచ్చితంగా నెగ్గాల్సిన మ్యాచ్లో మొదట నెమ్మదిగా ఆడిన హిట్మ్యాన్... ఆ తర్వాత ఆకాశమే హద్దుగా చెలరేగిపోయాడు. తొలి 100 పరుగులు చేయడానికి 107 బంతులు తీసుకున్న రోహిత్.. తర్వాత 59 పరుగులను 21 బంతుల్లో కొట్టాడు. ఈ మ్యాచ్లో పలు రికార్డులను అధిగమించాడు హిట్మ్యాన్.
రోహిత్ @ 28...
ఈ మ్యాచ్లో సెంచరీ సాధించిన రోహిత్... కెరీర్లో 28వ వన్డే సెంచరీ ఖాతాలో వేసుకున్నాడు. వీటితో పాటు ఈ ఏడాది వన్డేల్లో అత్యధిక పరుగులు(1427)తో అగ్రస్థానంలో దూసుకెళ్తున్నాడు. తర్వాతి స్థానంలో కోహ్లీ (1292), విండీస్ బ్యాట్స్మన్ షై హోప్(1225*) రెండు మూడు ర్యాంకుల్లో ఉన్నాడు.
>> వన్డేల్లో ఒక ఏడాది కాలంలో ఎక్కువ శతకాలు చేసిన ఆటగాళ్ల జాబితాలో రోహిత్ నాలుగో స్థానంలో నిలిచాడు.
>> 9 శతకాలు-సచిన్ తెందూల్కర్ (1998), 7 శతకాలు- సౌరభ్ గంగూలీ (2000), 7 శతకాలు- డేవిడ్ వార్నర్ (2016) తర్వాత 7*శతకాలు- రోహిత్ శర్మ (2019) ఈ లిస్టులో ఉన్నాడు.
>> ఒక క్యాలెండర్ సంవత్సరంలో ఎక్కువ సిక్సర్లు కొట్టిన ఆటగాడిగా రికార్డు సృష్టించాడు హిట్మ్యాన్. ఇప్పటివరకు 75 సిక్సర్లు బాదాడు. 2018లో 74 సిక్సర్లు, 2017లో 65 సిక్సర్లతో హ్యాట్రిక్ రికార్డు కొట్టాడు.
>> అన్ని పార్మాట్లలో కలిపి రోహిత్ ఈ ఏడాది 10 శతకాలు చేశాడు. ఒక ఓపెనర్ ఇన్ని సెంచరీలు చేయడం రికార్డు. గతంలో సచిన్(9), గ్రేమ్ స్మిత్(9), వార్నర్(9) ఈ ఘతన సాధించారు.
>>ఈ ఏడాది అన్ని ఫార్మాట్లలో కలిపి ఎక్కువసార్లు వంద స్కోరు కొట్టిన ఆటగాళ్లలో రోహిత్(10) టాప్లో ఉన్నాడు. తర్వాతి స్థానంలో కోహ్లీ(7), వార్నర్(6) ఉన్నారు.
>> అత్యధిక వ్యక్తిగత స్కోరు చేసిన భారత ఆటగాళ్ల జాబితాలో... ఈ ఏడాదీ రోహిత్ పేరిటే రికార్డు నమోదైంది. 2013 - (209), 2014 -(264), 2015 - (150), 2016 - (171*), 2017 - (208*), 2018 - (162), 2019 - (159) రన్స్ చేశాడు.
>> రోహిత్ గత రెండేళ్లుగా టీమిండియాలో కీలక ప్రదర్శన చేస్తున్నాడు. 2007 నుంచి 16 వరకు 147 ఇన్నింగ్స్ ఆడిన హిట్మ్యాన్... 10 శతకాలు మాత్రమే చేశాడు. ఆ తర్వాత నుంచి స్పీడు పెంచాడు. 2017 నుంచి ఇప్పటివరకు 66 ఇన్నింగ్స్ ఆడగా... 18 శతకాలు సాధించడం విశేషం.