విండీస్​ బ్యాట్స్​మెన్ ధనాధన్ ..భారత్​ లక్ష్యం 208

తొలి టీ20లో భారత్​కు 208 పరుగుల లక్ష్యాన్ని నిర్దేశించింది వెస్టిండీస్. హెట్మయిర్ అర్ధశతకంతో ఆకట్టుకున్నాడు. చాహల్​ రెండు వికెట్లు తీశాడు.

హైదరాబాద్​లో జరుగుతున్న తొలి టీ20లో పరుగుల వరద పారింది. టాస్ ఓడి బ్యాటింగ్​కు దిగిన విండీస్​.. నిర్ణీత 20 ఓవర్లలో 5 వికెట్ల నష్టానికి 207 పరుగులు చేసింది. భారత బౌలర్లలో చాహల్​ రెండు వికెట్లు తీశాడు

ఆరంభం నుంచి ధాటిగా ఆడింది కరీబియన్ జట్టు. రెండో ఓవర్లో సిమన్స్ వికెట్​ దీపక్ చాహర్​కు దక్కింది. ఆ తర్వాత క్రీజులోకి వచ్చిన కింగ్​తో కలిసి మరో ఓపెనర్​ ఎల్విన్ లూయిస్ చెలరేగాడు. 17 బంతుల్లో 40 పరుగులు చేసి ఔటయ్యాడు. ఈ మ్యాచ్​లో హాఫ్ సెంచరీ చేసిన హెట్మయిర్.. తన టీ20 కెరీర్​లో తొలి అర్ధశతకం నమోదు చేశాడు.

మిగతా వారిలో బ్రాండన్ కింగ్ 31, పొలార్డ్ 37, హోల్డర్ 24, రామ్​దిన్ 11 పరుగులు చేశారు. టీమిండియా బౌలర్లలో చాహల్ 2.. సుందర్, చాహర్, జడేజా తలో వికెట్ దక్కించుకున్నారు.