ధావన్​, రాహుల్ అర్ధశతకాలు​.. లంక లక్ష్యం 202

పుణె వేదికగా శ్రీలంకతో జరిగిన మూడో టీ20లో భారత్​ భారీ స్కోరు చేసింది. సిరీస్​ నిర్ణయాత్మక మ్యాచ్​లో ఓపెనర్లు శిఖర్​ ధావన్​, కేఎల్​ రాహుల్​ అర్ధశతకాలతో రాణించారు. ఫలితంగా నిర్ణీత 20 ఓవర్లలో 6 వికెట్ల నష్టానికి 201 స్కోరు చేసింది భారత జట్టు.

పుణెలో లంకతో జరుగుతోన్న మూడో టీ20లో మొదట బ్యాటింగ్​ చేసిన కోహ్లీ సేన... నిర్ణీత 20 ఓవర్లలో 6 వికెట్ల నష్టానికి 201 పరుగులు చేసింది.

ఓపెనర్ల శుభారంభం..

భారత ఓపెనర్లు కేఎల్​ రాహుల్​ (54), ధావన్​ (52) అర్ధశతకాలతో రాణించారు. లంక బౌలర్లపై మొదటి నుంచే ధాటిగా ఆడారు. ఇద్దరూ తొలిసారి టీ20ల్లో 97 పరుగుల భారీ భాగస్వామ్యం నెలకొల్పారు. తొలి వికెట్​గా ధావన్​ ఔట్​ కాగా.. తర్వాత స్థానంలో వచ్చిన సంజు శాంసన్​ తొలి బంతికి సిక్సర్​ కొట్టినా... తర్వాత బంతికి ఎల్బీగా ఔటయ్యాడు. ఆ తర్వాత శ్రేయస్​ అయ్యర్ ​(4), కోహ్లీ (26), వాషింగ్టన్​ సుందర్​ (0) తక్కువకే ఔటయ్యారు. మనీశ్​ పాండే(31), శార్దుల్​(22) మెరుపులతో భారత్​ భారీ స్కోరు చేసింది.

ఈ మ్యాచ్​లో అవకాశం దక్కించుకున్న లంక్​ బౌలర్​ సందకన్ ​మూడు వికెట్లు తీసి భారత దూకుడుకు అడ్డుకట్ట వేశాడు. మిగతా బౌలర్లలో కుమార, హసరంగ చెరో వికెట్​ తీసుకున్నారు.

తొలి టీ20 వర్షం కారణంగా రద్దవ్వగా.. రెండో మ్యాచ్‌లో టీమిండియా 7 వికెట్ల తేడాతో విజయం సాధించింది. సిరీస్​ నిర్ణయాత్మక మ్యాచ్​లో లంక 202 పరుగులు చేయాల్సి ఉంది.