భారత్-దక్షిణాఫ్రికా మధ్య జరుగుతున్న టీ20 మ్యాచ్లో సఫారీ జట్టు సాధారణ ప్రదర్శన చేసింది. మొహాలీ వేదికగా జరుగుతున్న పోరులో టాస్ ఓడి బ్యాటింగ్కు దిగిన డికాక్ సేన... నిర్ణీత 20 ఓవర్లలో 5 వికెట్లు కోల్పోయి 149 పరుగులు చేసింది. సఫారీ బ్యాట్స్మెన్లలో డికాక్, భవుమా ఆకట్టుకున్నారు.
డికాక్ దూకుడు...
ఆరంభంలోనే దక్షిణాఫ్రికా జట్టుకు ఎదురుదెబ్బ తగిలింది. ఓపెనర్గా బరిలోకి దిగిన రీజా హెండ్రిక్స్ తక్కువ స్కోరుకే ఔటయ్యాడు. 6 పరుగుల వ్యక్తిగత స్కోరు వద్ద తొలి వికెట్గా వెనుదిరిగాడు. అయితే మరో ఓపెనర్ డికాక్ తనదైన ప్రదర్శనతో ఆకట్టుకున్నాడు. అర్ధశతకంతో రాణించిన ప్రోటీస్ సారథి... 52 పరుగులు (37 బంతుల్లో; 8 ఫోర్లు) సాధించాడు. కోహ్లీ అద్భుతమైన క్యాచ్తో డికాక్ను పెవీలియన్కు పంపాడు. మరో బ్యాట్స్మెన్ భవుమా 49 పరుగులు (43 బంతుల్లో; 3 ఫోర్లు, 1సిక్సర్) చేసి తృటిలో అర్ధశతకం కోల్పోయాడు. మిగిలిన ఆటగాళ్లు ఆశించిన స్థాయిలో ప్రదర్శన చేయలేదు. డసెన్(1), మిల్లర్(18), ప్రిటోరియస్(10*), ఫెలుక్వాయో(8*) పరుగులు చేశారు.
భారత బౌలర్లలో దీపక్ చాహర్ పొదుపుగా బౌలింగ్ చేశాడు. 4 ఓవర్లలో 22 పరుగులిచ్చి రెండు వికెట్లు తీశాడు. సైనీ, జడేజా, హార్దిక్ పాండ్య తలో వికెట్ తమ ఖాతాలో వేసుకున్నారు.