ఇండోర్ వేదికగా టీమిండియా సీనియర్‌ క్రికెటర్లు రోహిత్‌ శర్మ, చెతేశ్వర్‌ పుజారా, రవిచంద్రన్‌ అశ్విన్ తొలిసారి ఫ్లడ్‌లైట్ల వెలుతురులో గులాబి బంతితో సాధన చేశారు. శుక్రవారం బంగ్లాదేశ్తో ఆట ముగిశాక హోల్కర్‌ స్టేడియంలో కోచ్‌ రవిశాస్త్రి పర్యవేక్షణలో శిక్షణ సాగింది. ఆదివారం (నవంబర్ 17)వరకు ఇరు జట్ల ఆటగాళ్లు అదే మైదానంలో ఉండనున్నారు. నవంబర్ 19న కోల్కతాలోని ఈడెన్ గార్డెన్స్కు భారత్-బంగ్లా జట్లు పయనమవుతాయి.
ఈడెన్ గార్డెన్‌ వేదికగా ఈ నెల 22న భారత్-బంగ్లా తొలిసారి డే/నైట్‌ టెస్టు ఆడనున్నాయి. ఆ మ్యాచ్కు ముందు ఫ్లడ్‌లైట్ల వెలుతురులో కేవలం రెండు సెషన్ల సాధనకు మాత్రమే వీలవుతోంది. మరింత అనుభవం లేకుంటే సాయంత్రం వేళ, రాత్రి సమయంలో ఆడటం కష్టం. అందుకే గులాబికి అలవాటు పడేందుకు హోల్కర్‌ మైదానంలో రాత్రుళ్లు సాధన చేస్తున్నారు ఇరుజట్ల ఆటగాళ్లు.