టీమిండియా మాజీ కెప్టెన్ మహేంద్రసింగ్ ధోనీకి మంచి ఫాలోయింగ్ ఉంది. సగటు ప్రేక్షకులే కాకుండా క్రికెటర్లూ అతడి ఆటను అనుకరిస్తుంటారు. తాజాగా ఈ జాబితాలో ఆస్ట్రేలియా వికెట్ కీపర్ అలెక్స్ కారే చేరాడు. మహీ తరహాలో తాను కూడా అత్యుత్తమ ఫినిషర్ అవ్వాలనుకుంటున్నానని అన్నాడు.
"నా ఆటలో ఉన్న కొన్ని బలహీనతలను అధిగమించాల్సి ఉంది. మిడిలార్డర్ లేదా లోయరార్డర్లో బ్యాటింగ్‌కు దిగి జట్టును విజయతీరాలకు చేర్చాల్సిన బాధ్యత నాపై ఉంటుంది. ఈ విషయంలో ప్రపంచంలోనే ధోనీ అత్యుత్తమం. అతడి నుంచి వీలైనంత నేర్చుకోవాలి. టీమిండియా కోసం అతడు ఆఖరి వరకు పోరాడి జట్టును గెలిపించిన తరహాలోనే.. నేను నా దేశం కోసం పోరాడాలని భావిస్తున్నా. భారత్‌లో టీమిండియాను ఎదుర్కోవడం ఎంతో కష్టం. స్పిన్‌తో పాటు ప్రపంచ స్థాయి పేసర్లు జస్ప్రీత్‌ బుమ్రా, మహ్మద్‌ షమీని ఎదుర్కోవడం సవాలే."
-అలెక్స్ కారే, వికెట్ కీపర్
లోయరార్డర్లో రాణించడమే తన బాధ్యతని అంటున్నాడు అలెక్స్.