'మెగాటోర్నీల్లో భారత్ అందుకే విజేత కాలేకపోతుంది'

మెగాటోర్నీల్లో సత్తాచాటాలంటే ఆటగాళ్లు మానసికంగా దృఢంగా ఉండాలంటున్నాడు టీమ్​ఇండియా మాజీ క్రికెటర్ గౌతమ్ గంభీర్. భారత ఆటగాళ్లలో ఆ మానసిక స్థైర్యం కొరవడిందని తెలిపాడు.

మెగాటోర్నీల్లో టీమ్​ఇండియా చివరి దశలో ఒత్తిడికి గురవుతుందని తెలిపాడు టీమ్​ఇండియా మాజీ క్రికెటర్ గౌతమ్ గంభీర్. కఠిన సమయాల్లో ఒత్తిడి లేకుండా ఆడాలంటే ఆటగాళ్లు మానసికంగా దృఢంగా ఉండాలని తెలిపాడు. ఈ మానసిక స్థైర్యం కొరవడిన ఫలితంగా ప్రపంచకప్​ లాంటి టోర్నీల్లో తమ సత్తా చాటలేకపోతున్నారని స్పష్టం చేశాడు గౌతీ.

"కఠిన సమయాల్లో చేసిన ప్రదర్శనే మనం ఉత్తమ ఆటగాళ్లమా కాదా అనేది నిర్ణయిస్తుంది. నాకు తెలిసి మనం ఒత్తిడిని తట్టుకోలేకపోతున్నాం. టోర్నీ​ మొత్తం బాగానే ఆడి నాకౌట్​ దశలో విఫలమవడమనేది మన మానసిక దృఢత్వం ఎంతవరకు ఉందో తెలియజేస్తుంది. మనకు ప్రపంచ ఛాంపియన్లుగా నిలిచే సత్తా ఉన్నా.. ఆ స్థాయిలో ప్రదర్శన చేయకపోతే మనని ఎవరూ ఛాంపియన్లుగా గుర్తించరు."

-గంభీర్, మాజీ క్రికెటర్

టీమ్​ఇండియా 1983, 2011లో ప్రపంచకప్​ విజేతగా నిలిచింది. చివరిసారిగా జరిగిన 2015, 2019 ఎడిషన్లతో పాటు మరో రెండుసార్లు సెమీఫైనల్లో ఓడి ఇంటిముఖం పట్టింది. టీ20 ప్రపంచకప్​ చూసుకుంటే 2007లో విజేతగా అవతరించిన భారత్​... 2014లో ఫైనల్స్​కు వెళ్లింది.