కొత్త టెస్టు జెర్సీల్లో టీమిండియా క్రికెటర్లు

వెస్టిండీస్​-ఏ జట్టుతో జరుగుతున్న ప్రాక్టీసు మ్యాచ్​లో టీమిండియా క్రికెటర్లు కొత్త జెర్సీలతో దర్శనమిచ్చారు. ఈ మ్యాచ్​లో పుజారా సెంచరీ, రోహిత్ అర్ధ సెంచరీ చేశారు.

కరీబియన్లతో టెస్టు సిరీస్​కు ముందు వెస్టిండీస్-ఏ జట్టుతో మూడు రోజుల ప్రాక్టీసు మ్యాచ్​ ఆడుతోంది టీమిండియా. కూలిడ్జ్ వేదికగా శనివారం ప్రారంభమైంది. ఇందులో నూతన టెస్టు జెర్సీల్లో దర్శనమిచ్చారు భారత ఆటగాళ్లు. ఆ వీడియోను ట్విట్టర్​లో పోస్ట్​ చేసింది భారత్ క్రికెట్ నియంత్రణ మండలి(బీసీసీఐ).

ఈ మ్యాచ్​లో తొలుత టాస్ గెలిచి బ్యాటింగ్ ఎంచుకున్న టీమిండియా.. తొలిరోజు ఆటముగిసే సరికి 5 వికెట్ల నష్టానికి 297 పరుగులు చేసింది. చతేశ్వర్ పుజారా శతకం చేసి రిటైర్డ్​ హర్ట్​గా వెనుదిరిగాడు. రోహిత్ శర్మ(68) అర్ధశతకంతో రాణించాడు. క్రీజులో హనుమ విహారి(37), రవీంద్ర జడేజా(1) ఉన్నారు. వెస్టిండీస్​ బౌలర్లలో కార్టర్​ మూడు వికెట్లు దక్కించుకున్నాడు. హోర్డింగ్, ఫ్రాజర్​ తలో వికెట్ తీశారు.

ఇది చదవండి: వైరల్: ఆర్మీ దుస్తుల్లో ధోనీ క్రికెట్