పరిమిత ఓవర్ల క్రికెట్లో ధోనీకి ప్రత్యామ్నాయంగా మనీష్ పాండే టీమిండియాకు బలాన్ని చేకూరుస్తాడని పాకిస్థాన్ మాజీ బౌలర్ షోయబ్ అక్తర్ అన్నాడు. తన యూట్యూబ్ ఛానల్లో అభిప్రాయాన్ని వ్యక్తం చేశాడు.
మహేంద్రసింగ్ ధోని, మనీష్పాండే "ఎట్టకేలకు టీమిండియాకు మనీష్ పాండే రూపంలో ధోనీకి ప్రత్యామ్నాయం దొరికింది. అదే విధంగా శ్రేయస్ అయ్యర్ జట్టులో చేరటం వల్ల మిడిలార్డర్ మరింత మెరుగయ్యింది. ఐపీఎల్ ఆడిన అనుభవంతో వీరు ఒత్తిడిని జయించి మెరుగైన ప్రదర్శన చేస్తున్నారు."
-షోయబ్ అక్త,పాకిస్థాన్ మాజీ పేసర్
ఆసీస్తో జరిగిన వన్డే సిరీస్లో మనీష్ తన బ్యాట్కు పని చెప్పకపోయినా.. అద్భుతమైన ఫీల్డింగ్తో ఆకట్టుకున్నాడు. రాజ్కోట్లో జరిగిన మ్యాచ్లో ఒక్క చేత్తో క్యాచ్ పట్టి డేవిడ్ వార్నర్ను పెవిలియన్ పంపాడు.
2019లో జరిగిన ప్రపంచకప్ తర్వాత ధోనీ మైదానంలో అడుగుపెట్టలేదు. ఫలితంగా అక్టోబర్-2019 నుంచి సెప్టెంబరు-2020 వరకూ ప్రకటించిన ఆటగాళ్ల కాంట్రాక్ట్ జాబితాలో ధోనీ పేరును తొలగించింది బీసీసీఐ.
ఇదీ చూడండి:-'పాస్ మార్కులు తెచ్చుకోవాలంటే రెండు గెలవాల్సిందే'
