షూటింగ్ ప్రపంచకప్‌ను భారత్ అగ్రస్థానంతో ముగించింది. చివరి రోజు భారత షూటర్లు మరో రెండు స్వర్ణాలు సాధించారు. పురుషుల షాట్ గన్ విభాగంలో పృథ్వీరాజ్‌ తొండైమన్‌, లక్షయ్‌ షెరోన్‌, కెనాన్‌ చెనాయ్‌ బృందం స్వర్ణం సాధించింది.
అంతకుముందు మహిళల ట్రాప్ విభాగం ఫైనల్‌లో శ్రేయాసి సింగ్, రాజేశ్వరి కుమారి, మనీశా కీర్‌లు కజకిస్థాన్‌పై 6-0 తేడాతో విజయం సాధించి పసిడి పతకం ఒడిసిపట్టారు. ఈ ప్రపంచకప్లో ఆది నుంచి ఆధిపత్యంలోనే ఉన్న భారత్ 30 పతకాలతో అగ్రస్థానంలో నిలిచింది. వీటిలో 15 స్వర్ణాలే ఉండగా 9 వెండి, ఆరు కాంస్య పతకాలు ఉన్నాయి.